Alaksandr Łukašenka ličyć Kazachstan pryvabnym i pierśpiektyŭnym partnioram dla Biełarusi. Pra heta jon zajaviŭ 29 maja ŭ Astanie na dvuchbakovaj sustrečy z prezidentam Kazachstana Nursułtanam Nazarbajevym.
«My bačym Kazachstan samym pryvabnym, pierśpiektyŭnym partnioram dla Biełarusi. Tamu što tut vielmi šmat pracy, jakuju my ŭmiejem rabić i ŭ jakoj vy majecie patrebu, i vy nie suprać, kab my pa hetych kirunkach pracavali. My hatovyja brać i biarem aktyŭny ŭdzieł u madernizacyi vašaj krainy. U nas niamała prajektaŭ i amal niama nijakich prablem u ich realizacyi. Heta havoryć pra ŭzrovień našaha supracoŭnictva», — zajaviŭ Łukašenka.
Pavodle jaho słoŭ, dvuchbakovyja adnosiny ŭ krain «raźvivajucca davoli dynamična», «atrymlivajecca nie tolki na našym uzroŭni zdymać usiakija prablemy i pieraškody na hetym šlachu, ale i našy śpiecyjalisty, urady dobra pracujuć».
Łukašenka adznačyŭ paśpiachovaść niadaŭniaha vizitu ŭ Biełaruś prem'
Kažučy pra pasiadžeńnie Vyšejšaha Jeŭrazijskaha ekanamičnaha savieta, jakoje projdzie siońnia ŭ Astanie,Łukašenka adznačyŭ, što baki pavinny zrabić niekalki zachadaŭ u prasoŭvańni hetaha pierśpiektyŭnaha intehracyjnaha abjadnańnia. «Vielmi spadziajusia, što my, majučy praktyčna padobnuju pazicyju z vami pa mnohich pytańniach, zmožam siońnia dasiahnuć kansensusu», — skazaŭ jon.
Sa svajho boku Nazarbajeŭ padkreśliŭ važnaść samitu, na jakim u tym liku płanujecca abmierkavać prablemnyja pytańni i šlachi ich vyrašeńnia. Jon adznačyŭ, što dvuchbakovy handal Biełarusi i Kazachstana maje dobruju tendencyju rostu.
Nazarbajeŭ zaprasiŭ Łukašenku naviedać Kazachstan z aficyjnym vizitam, kab pradmietna abmierkavać raźvićcio adnosin.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary