Na siesii Savieta AAN pa pravach čałavieka pačaŭsia razhlad dakłada pa situacyi ŭ Biełarusi
Dakumient rekamienduje biełaruskim uładam nieadkładna i biez usiakich umoŭ vyzvalić z turmaŭ usich palityčnych apanientaŭ, pravaabaroncaŭ i aktyvistaŭ.
Na
Charašci adznačaje, što situacyja z palitźniavolenymi vyklikaje hłybokuju tryvohu. «Umovy ich utrymańnia ŭ turmach razam sa źjaŭleńniem infarmacyi pra psichałahičny i fizičny nacisk mohuć być rascenieny jak nienaležnaje ŭtrymańnie, a časam i katavańni», — havorycca ŭ dakumiencie.
Uradu Biełarusi rekamiendavana pryniać miery dla ŭstaranieńnia ŭsich pieraškod, jakija zaminajuć aktyŭnamu ŭdziełu hramadskich niaŭradavych arhanizacyj i apazicyjnych partyj u palityčnym žyćci krainy, a taksama harantavać spraviadlivaje prymianieńnie zakonaŭ na praktycy.
Akramia taho, aficyjnamu Minsku rekamiendavana aktyvizavać pracu parłamienckaj hrupy pa vyvučeńni pytańnia śmiarotnaj kary, apublikavać vyčarpalnuju infarmacyju pra ŭžo pryviedzienyja ŭ vykanańnie prysudy i nieadkładna ŭvieści maratoryj na śmiarotnuju karu z dalejšaj jaje admienaj.
Uładam rekamiendujecca taksama pravieści rasśledavańnie vypadkaŭ hvałtoŭnaha źniknieńnia niekalkich biełaruskich palitykaŭ i žurnalista (Juryja Zacharanki, Viktara Hančara, Anatola Krasoŭskaha i Dźmitryja Zavadskaha), faktaŭ pazbaŭleńnia licenzij i pieraśledu advakataŭ, jakija abaraniali fihurantaŭ spravy ab masavych biesparadkach u Minsku 19 śniežnia 2010 hoda, harantavać poŭnuju niezaležnaść sudovaj sistemy i sudździaŭ u Biełarusi.
Śpiecdakładčyk zaklikaje ŭłady harantavać, što ŭsie hramadzianie, jakija zatrymlivajucca, buduć chutka infarmavacca ab pryčynach zatrymańnia i vystaŭlenych abvinavačańniach, mieć bieśpieraškodny dostup da advakata. Pry hetym rekamiendavana harantavać absalutnuju zabaronu na katavańni i inšyja vidy nienaležnaha abychodžańnia z zatrymanymi.
Biełaruskim uładam taksama rekamiendavana zabiaśpiečyć abaronu pravaabaroncaŭ i žurnalistaŭ ad pieraśledu, zapałochvańnia i nasilla, pravieści poŭnaje i biesstarońniaje rasśledavańnie ŭsich takich vypadkaŭ.
Charašci źviartaje ŭvahu SPČ na toje, što tak i nie atrymaŭ mahčymaści naviedać Biełaruś dla aznajamleńnia ź situacyjaj na miescy, pakolki biełaruskija ŭłady admovilisia supracoŭničać ź im.Pry padrychtoŭcy dakłada, paviedamlaje śpiecdakładčyk, u jaho adbylisia sustrečy za miežami Biełarusi z pradstaŭnikami apazicyjnych partyj, hramadskich arhanizacyj, pravaabaroncami, žurnalistami.
Da ciapierašniaj siesii SPČ arhanizacyja «Mižnarodnaja amnistyja» vystupiła sa śpiecyjalnaj zajavaj, u jakoj kanstatuje: źmianieńniaŭ u situacyi z pravami čałavieka ŭ Biełarusi za 2012 hod nie adbyłosia. U krainie praciahvalisia parušeńni pravoŭ aktyvistaŭ hramadzianskaj supolnaści, pravaabaroncaŭ i žurnalistaŭ. Ułady parušali pravy hramadzian na svabodu vykazvańnia, schodaŭ i asacyjacyj, vykarystoŭvali suprać žurnalistaŭ, jakija vystupajuć z krytykaj uład, artykuły Kryminalnaha kodeksa ab paklopie i abrazie ŭ dačynieńni da prezidenta.
Kamientary