Rasii daviadziecca doraha zapłacić za padtrymku režymu «šalonaha lidara» Siryi Bašara Asada, piša The Saudi Gazette.
Jak miarkuje aŭtar natatki, u pieršuju čarhu dziejańni Maskvy adabjucca na dziełavych adnosinach z arabskim śvietam.
Na dumku ahladalnika, Rasija praciahvaje palityku SSSR, akazvajučy dapamohu dyktatarskamu režymu. Žurnalist miarkuje, što rasijskija ŭłady pierajšli «lubyja prymalnyja» maralnyja normy i dovady ŭ svajoj abaronie i padtrymcy Asada. Maskva paličyła za lepšaje stać na bok žorstkaha režymu, jaki nie prymaje bolšaść siryjcaŭ i arabaŭ, havorycca ŭ natatcy.
U vyniku Rasija šle arabskamu śvietu tolki adno pasłańnie — pasłańnie nianaviści i niepavahi, zaklučaje aŭtar artykuła.
U svaju čarhu, sajt Al Monitor piša, što ZŠA nie pavinnyja stvarać jašče adnaho «monstra», uzbrojenych siryjskich paŭstancaŭ, a pavinnyja źniščyć užo najaŭnuju «pačvaru» (heta značyć vajnu ŭ Siryi) dypłamatyčnymi sposabami.
U pryvatnaści, na dumku vydańnia, Vašynhton musić admovicca ad sumnieńniaŭ adnosna roli Irana ŭ ženieŭskaj kanfierencyi pa Siryi i dałučycca da Rasii i AAN. Jak tłumačyć aŭtar artykuła, nie isnuje inšaj krainy, jakaja maje taki ž upłyŭ na Asada, jak Iran.
Akramia taho, ZŠA pavinnyja ŭzmacnić cisk na Katar i Saudaŭskuju Araviju, kab jany paŭpłyvali na siryjskuju apazicyju i zaklikali jaje spynić ahoń, adznačajecca ŭ artykule.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary