8 červienia adyšła ŭ viečnaść Helena Blin, maci biskupa Viciebskaha na piensii Uładzisłava Blina. Spačyłaj było 87 hadoŭ.
Pachavalnaja śviataja Imša adbudziecca 11 červienia ŭ 16.00 pa biełaruskim časie ŭ parafijalnym kaściole śviatych Mikałaja i Dobraha Pastyra ŭ Ślezinie kala Konina (Polšča). Adras parafii: Ślezin, vuł. Kaściolnaja, 22.
8 červienia ŭ kaściole svv. Symona i Aleny ŭ Minsku Mitrapalit Minska-Mahiloŭski arcybiskup Tadevuš Kandrusievič uznačaliŭ śviatuju Imšu ŭ intencyi spačyłaj.
«Dla ciabie, Mamusia, što tuliła mianie da svajho serca, Mamusia — jak šmat kaštuje heta słova...
Matulka — Ty dała žyćcio mnie, kolki nočak nie spała nad majoj kałyskaj, kali byŭ chvory, kali byŭ mały...
Matula — ruki Tvaje załatyja i serca, adkrytaje dla kožnaha, tak šmat kaštujuć.
Matula — Ty častka žyćcia majho, tamu chacieŭ by prytulicca da serca Tvajho.
Ale jano ŭžo nie bjecca... Ja niamieju, Mamusia.
Dla ciabie, Matula, najpryhažejšyja kvietki, bukiet z najlepšych snoŭ, u jakim zmahu jašče raz pačuć Tvoj pryhožy, čuły hołas i adčuć dotyk Tvaich aksamitnych ruk... Dziakuju tabie, Mama!», — hetyja słovy pryśviaciŭ u honar svajoj maci biskup Blin.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary