Adna z najstarejšych arhanizacyj biełaruskaj emihracyi — Zhurtavańnie biełarusaŭ u Vialikaj Brytanii — abrała novaje kiraŭnictva. Šmathadovuju staršyniu ZBVB Lolu Michaluk źmianiŭ na pasadzie Mikałaj Pačkajeŭ.
67-y hadavy źjezd Zhurtavańnia adbyŭsia ŭ subotu, 8 červienia, u Łondanie. U zale Biełaruskaha doma sabrałasia kala dvuch dziasiatkaŭ siabroŭ ZBVB, siarod ich – niekatoryja z najstarejšych siabroŭ arhanizacyi dy adzin ź jaje zasnavalnikaŭ, ajciec Alaksandr Nadsan. Na źjeździe byli pryniatyja źmieny ŭ statucie, u jakim ciapier admysłova akreślenyja mety ZBVB jak hramadska-palityčnaj arhanizacyi, jakaja kirujecca ŭ svajoj dziejnaści ideałami niezaležnaj i demakratyčnaj Biełarusi, akreślenymi ŭ Akcie 25 sakavika 1918 hoda.
Razam sa svaim mužam, niabožčykam Janam Michalukom, jaki ŭznačalvaŭ ZBVB ciaham 25 hadoŭ, spadarynia Lola stajała la pačatkaŭ biełaruskaha žyćcia ŭ pavajennaj Brytanii, paviedamlaje pres-słužba ZBVB.Admietnaj padziejaj źjezda staŭsia sychod z pasady šmathadovaje staršyni Zhurtavańnia Loli Michaluk.
Lola Michaluk pieraniała kiraŭnictva arhanizacyjaj u 1997 h. i ad taho času zasłužyła hłybokuju pavahu siarod biełarusaŭ śvietu za svaju samaachviarnuju pracu. Jaje ćviordyja pierakanańni i addanaść biełaruskaj idei paspryjali ŭmacavańniu ZBVB, kali biełaruskaja dyjaspara pieražyvaje źmienu pakaleńniaŭ.
Na znak pašany, źjezd nadaŭ spadaryni Michaluk tytuł Hanarovaj staršyni ZBVB.
U svajoj pramovie sp. Pačkajeŭ zapeŭniŭ źjezd, što budzie pilna zachoŭvać pryncypy, na jakich Zhurtavańnie była zasnavanaje ŭ 1946 hodzie, i šukać naležnyja vyrazy dla hetych pryncypaŭ u zaŭsiody novych abstavinach.
***
Mikoła Pačkajeŭ naradziŭsia ŭ 1973 h. u Minsku, skončyŭ SŠ №4, vučyŭsia na histfaku BDU, z 1994 h vučyŭsia ŭ šerahu zachodnich VNU, u pryvatnaści, u 1997—1998 na mahistarskaj prahramie va ŭniviersitecie Kiembrydža, zatym na doktarskaj prahramie. U Vialikabrytanii žyvie stała ad 2000 h. Siabra Rady BNR ad 2005 h., sakratar ZBVB u 2003—2004 hh. ,namieśnikam staršyni ZBVB z 2004 h.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary