Ustupleńnie Rasii ŭ SHA nie apraŭdvaje źnižeńnie biełaruskaha ekspartu. Pra heta siońnia na naradzie pa pytańniach raźvićcia pramysłovaha kompleksu i realizacyi biełaruskaj pradukcyi zajaviŭ Alaksandr Łukašenka.
«Spadziavacca na toje, što Rasija, naš asnoŭny partnior, ŭstupiła ŭ SHA ci ž što Jeŭropa i taja ž Rasija achopleny kryzisam, nie treba. My pra heta viedali daŭno, heta ŭsio staroje jak śviet», — skazaŭ jon. «A spasyłacca na toje, što my nie možam kankuravać u Rasii z tavarami usiaho śvietu, heta prosta śmiešna», — padkreśliŭ Łukašenka.
U suviazi z hetym jon spytaŭ prem'
«Jeŭrasajuz siońnia zajmaje tuju ž udzielnuju vahu pa eksparcie, što i Rasija, — kanstatavaŭ Alaksandr Łukašenka. — Ale što, ES učora ŭstupiŭ u SHA? My tudy pradavali pradukcyi, kankuryrujučy, stolki ž, kolki pradavali ŭ Rasiju. Voś i ŭsie vašyja faktary i spasyłki na SHA rasijskaje».
«Honim abjomy, pavialičvajučy tym samym składy. Heta fakt», — zaŭvažyŭ jon.
Pavodle słoŭ Łukašenka, na naradzie nieabchodna abmierkavać najbolš vostryja pytańni raźvićcia pramysłovaha kompleksu. Havorka ŭ pieršuju čarhu idzie pra faktary, jakija strymlivajuć jakasny ekanamičny rost hetaha siektara ekanomiki. «My siońnia pavinny znajści iścinu. Fakt jość fakt — rost składskich zapasaŭ u najaŭnaści», — skazaŭ Łukašenka.
Alaksandr Łukašenka taksama zapatrabavaŭ dałažyć jamu pra toje, što adbyvajecca na finansavym rynku ŭ suviazi ź niespryjalnaj atmaśfieraj u ekanomicy. «I jak vynik, barani Vas boža ad sacyjalnaj napružanaści ŭ pracoŭnych kalektyvach», — reziumavaŭ Łukašenka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary