Milicyja šukaje žančynu, jakaja pradaje ŭ internecie nieisnujučyja rečy
Supracoŭniki milicyi šukajuć Bałovu Śviatłanu Michajłaŭnu, jakuju padazrajuć u ašukanstvie, źviazanym z prodažam žanočaha adzieńnia dy dziciačych cacak praź internet.
Tak, adna dziaŭčyna vyrašyła nabyć u jaje praź internet futravuju kamizelku za 780 tys. rubloŭ. U paviedamleńni praź interniet pradaviec skazała, što nakładzienym płaciažom reč jana adpraŭlać nie budzie, a prymaje tolki hrašovyja pieravody. Dziaŭčyna, urešcie, pieraviała hrošy na elektronny kašalok, ale tavaru tak i nie atrymała.
Praź niekalki dzion u milicyju pastupiła jašče adna zajava z anałahičnaj historyjaj. Hetym razam maładaja mama vyrašyła kupić dla dziciaci cacku. Schiema złamyśnicy pad nikam «Lyyyyu» była takoj ža: patrabavałasia apłacić kuplu praz elektronny kašalok, a kali hrošy byli pieraviedzienyja, pradaviec pačynała raspaviadać pra roznyja pryčyny zatrymki vysyłki tavaru. To jana była zaniataja na pracy, to nie mahła vyjści z doma z-za maleńkaha ŭnuka, to ŭ jaje pamierła svajačka.
U chodzie dalejšaj pravierki vyjavilisia jašče piać faktaŭ padobnych machinacyj.
Na hety momant supracoŭniki milicyi vyśvietlili asobu žančyny, na jakuju zarehistravany elektronny kašalok. Adnak ŭstalavać jaje miescaznachodžańnie akazałasia prablematyčnym.
Pa niekatorych dadzienych žančyna mahła pajechać u rasijski Smalensk.
Pa fakcie machlarstva raspačataja kryminalnaja sprava.
Supracoŭniki milicyi źviartajucca z prośbaj da hramadzian dapamahčy ŭstanavić jaje miescaznachodžańnie.Lubuju infarmacyju pra heta možna paviedamlać u dziažurnuju častku Partyzanskaha RUUS pa adrasie: Minsk, zavułak Stachanaŭski, 5.
Kantaktnyja telefony: 8 (017) 230-34-34, 8 (017) 230-81-45, 8 (029) 883-23-96.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary