Prajekt rezalucyi Rady AAN pa pravach čałavieka prapanoŭvaje na hod praciahnuć mandat śpiecdakładčyka pa situacyi ŭ Biełarusi. Hałasavańnie pa rezalucyi płanujecca pravieści siońnia ŭ ramkach siesii Rady AAN pa pravach čałavieka (RPČ), što prachodzić u Ženievie.Tekst dakumienta raźmieščany na sajcie RPČ.
«Rada pastanaŭlaje praciahnuć na adzin hod mandat Śpiecyjalnaha dakładčyka pa pytańni ab stanoviščy ŭ halinie pravoŭ čałavieka ŭ Biełarusi i prosić Śpiecyjalnaha dakładčyka pradstavić dakład ab stanoviščy ŭ halinie pravoŭ čałavieka ŭ Biełarusi Radzie pa pravach čałavieka na jaho
U dakumiencie vykazvajecca hłybokaja zaniepakojenaść nakont «praciahu parušeńniaŭ pravoŭ čałavieka ŭ Biełarusi, jakija nosiać strukturny i endemičny charaktar,a taksama sistemnych i sistematyčnych abmiežavańniaŭ pravoŭ čałavieka, asabliva adnosna svabody asacyjacyj, schodaŭ i prava na svabodu mierkavańniaŭ i ich svabodnaje vykazvańnie».
RPČ vykazvaje zaniepakojenaść nakont «prymianieńnia katavańniaŭ i žorstkaha abychodžańnia ŭ miescach utrymańnia pad vartaj, adsutnaści reakcyi ŭrada na vypadki hvałtoŭnych źniknieńniaŭ palityčnych apanientaŭ,parušeńniaŭ pracoŭnych pravoŭ, raŭnaznačnych prymusovaj pracy, značnych prabiełaŭ u antydyskryminacyjnym zakanadaŭstvie, biespakaranaści asob, jakija parušajuć pravy čałavieka, ucisku arhanizacyj hramadzianskaj supolnaści, pravaabaroncaŭ, žurnalistaŭ i palityčnych apanientaŭ, akazańnia cisku na advakataŭ, niaŭdziełu apazicyjnych palityčnych partyj u pracy parłamienta».
Rada zaklikaje ŭrad Biełarusi pravieści «ŭsioabdymny ahlad zakanadaŭstva, palityki, stratehij i praktyki dla taho, kab normy byli dakładna vyznačanyja, adpaviadali mižnarodnamu pravu i abaviazacielstvam krainy ŭ halinie pravoŭ čałavieka i nie vykarystoŭvalisia dla pieraškody abo praźmiernaha abmiežavańnia lubych pravoŭ čałavieka, uklučajučy svabodu vykazvańnia mierkavańniaŭ, asacyjacyi i mirnych schodaŭ i svabodu srodkaŭ masavaj infarmacyi».
Rada nastojliva zaklikaje ŭrad Biełarusi nieadkładna i biezahavoračna vyzvalić i reabilitavać usich palityčnych źniavolenych, a taksama reabilitavać tych, chto ŭžo byŭ vyzvaleny.
Rezalucyja zaklikaje ŭłady Biełarusi ŭ poŭnaj miery supracoŭničać sa śpiecdakładčykam AAN, u tym liku šlacham davańnia jamu dostupu dla naviedvańnia krainy i dostupu da patrebnaj infarmacyi.
Nahadajem, 4 červienia na siesii byŭ zasłuchany dakład śpiecdakładčyka pa situacyi ŭ Biełarusi Mikłaša Charašci.Pry abmierkavańni hetaha dakumienta pradstaŭnik Biełarusi pry AAN u Ženievie Michaił Chvastoŭ zajaviŭ, što Biełaruś nie maje patreby ŭ śpiecyjalnym dakładčyku abo inšych padobnych instytutach. Chvastoŭ taksama zajaviŭ, što hety dakład vykarystoŭvajecca dla akazańnia palityčnaha i ekanamičnaha cisku na Biełaruś.
«Biełaruski narod nie maje patreby ŭ śpiecdakładčyku. My viedajem, jakija ŭ nas jość prablemy, i hatovy ich vyrašać. U nas jość svaja madel, zasnavanaja na nacyjanalnym suvierenitecie, biaśpiecy i viaršenstvie zakona. My adchilajem usie abvinavačańni, jakija ŭtrymlivajucca ŭ dakładzie, i zajaŭlajem, što vysnovy dakłada dla nas nieprymalnyja», — zajaviŭ aficyjny pradstaŭnik Biełarusi.
Kamientary