Usiaho ŭ absalutnym ałkaholi pradadziena 3 młn. 617,9 tys. dał ałkaholnych napojaŭ i piva (na 7,1% mienš).
Pavodle źviestak Biełstata, u studzieni—mai hetaha hoda realizacyja harełki skaraciłasia na 11,6% u paraŭnańni z takim ža letašnim pieryjadam. Letaś naziraŭsia rost prodažu hetaha ałkaholnaha napoju.
Za piać miesiacaŭ pradadziena 4 młn. 348,6 tys. dał harełki, jaje dola ŭ ahulnym abjomie prodažu ałkaholu skłała 48,1% (u studzieni—mai 2012 hoda — 50,6%).
U studzieni—mai 2013 hoda praz roźničnuju (handlovuju) sietku realizavana ałkaholnych napojaŭ i piva na 8 młrd. 743,1 młn. rubloŭ, što ŭ roźničnym tavaraabarocie handlu składaje 11,5%.
Piva za piać miesiacaŭ hetaha hoda pradadziena 13 młn. 983,3 tys. dał, što na 6,1% bolš za anałahičny letašni pakazčyk. Dola hetaha napoju ŭ aulnym abjomie prodažu ałkaholu skłała 15,5% (za studzień—maj 2012-ha — 13,5%).
Likiora-harełačnych vyrabaŭ realizavana 643,2 tys. dał (na 22,7% mienš), vinahradnych vin — 1 młn. 403,7 tys. dał (na 15,8% bolš), pładovych vin — 4 młn. 410 tys. dał (na 7,5% mienš). Pładovyja viny zaniali 21,9% u abjomie prodažu ałkaholnaj pradukcyi (u studzieni—mai 2012 hoda — 22%).
Kańjaku i brendzi pradadziena 141,9 tys. dał (na 48,3% bolš), pienistych vin i šampanskaha — 527,4 tys. dał (na 8,7% mienš), słabaałkaholnych napojaŭ — 351,3 tys. dał (na 5,7% bolš).
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary