Viadomyja italjanskija madeljery Damienika Dolče i Stefana Habana byli ŭ sieradu prysudžanyja da turemnaha źniavoleńnia terminam u adzin hod i vosiem miesiacaŭ za ŭchileńnie ad vypłaty padatkaŭ.
Prysud im byŭ začytany ŭ zale suda ŭ Miłanie ŭ ich adsutnaść. Padsudnyja raniej adkinuli pradjaŭlenyja im abvinavačvańni va ŭtojvańni sotniaŭ miljonaŭ dalaraŭ ad padatkovych orhanaŭ.
Uličvajučy składanaść i praciahłaść pracesu apielacyi, jany naŭrad ci apynucca ŭ turmie.
Prakuror Haetana Ruta źviarnuŭsia da suda z prośbaj prysudzić abvinavačanych da dvuch z pałovaj hadoŭ źniavoleńnia. Adnak sudździa pryniaŭ rašeńnie ab vyniasieńni mienšaha turemnaha terminu, z adterminoŭkaj vykanańnia prysudu.
Pradstaŭnik kampanii Dolce & Gabbana admoviŭsia prakamientavać vyniasieńnie prysudu dyzajnieram.
Kamientary