Siońnia ŭ Minsku pakažuć “Kab skončyć vojny” pa-biełarusku.
“Uvohule, historyja hetaha filma vielmi cikavaja. – raskazvaje Andrej Kim, namahańniami jakoha film Kaninhiema zahučaŭ pa-biełarusku. - Niadaŭna my uśviadomili, što z tuzina stužak, što my ahučyli bolšaść — heta realnyja historyi. "Kab skončyć vojny" taksama ŭ hetym śpisie.
U svoj čas, kali ja pahladzieŭ hety film jon vielmi mocna pierakliknuŭsia z tymi padziejami, što ja pieražyŭ, ja vielmi dobra razumieŭ situacyju, jakaja tam pakazana . Zrazumieła, što moj dośvied u sto razoŭ słabiejšy za toje, što pieražyli hetyja ludzi i što jany bačyli”.
Film raskazvaje pra šatłandski bataljon, što trapiŭ u pałon da japoncaŭ.Sprabujučy vyžyć ŭ niečałaviečych umovach, kožny ź ich źmianiajecca — chtości rychtuje pomstu, a dla inšych pałon robicca padstavaj zadumacca pra sens isnavańnia i źmianić svajo žyćcio nazaŭsiody.
“
Taksama mocnym uražańniem było toje, što ŭ kancy filma pakazvajucca hałoŭnyja hieroi, dakładnieje ich realnyja pratatypy: pałonny šatłandziec i jaho japonski achoŭnik, staryja ludzi, što ŭskładajuć kvietki da miemaryjału zahinułych u druhoj suśvietnaj vajnie. – kaža spadar Kim. - Mahu dakładna skazać, što dla niekalkich čałaviek, što byli na premjernym pakazie tady, ŭ 2010 hodzie, hety film staŭsia pieršym krokam dla taho, kab pierajści na biełaruskuju movu. I taksama pieršym krokam da jašče bolšaj pieramieny ŭ ich žyćci”.
U filmie Kaninhema adsutničajuć žanočyja repliki – dziejańnie adbyvajecca ŭ łahiery dla vajennapałonnych, dzie žančyn nie było. Roli ahučyli Pavał Charłančuk i Uładzimir Hłotaŭ. Adnym ź pieršych hledačoŭ filma staŭ Pavał Sieviaryniec.
“Tak vyjšła, što jon pahladzieŭ heta nie tolki sam, ale razam z usioj śpieckamiendaturaj Kuplina ŭ poŭnym składzie, ŭsimi źniavolennymi! Sieviaryniec skazaŭ, što stužka vyklikała vialikuju dyskusiju”. – kaža Kim.
Pahladzieć film možna siońnia, 20 červienia na placoŭcy ME100 Pačatak a 19-j hadzinie, košt kvitkoŭ – 20 000 rubloŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary