Supracoŭniki DAI štodnia zatrymlivajuć na darohach Biełarusi ad 130 da 200 niećviarozych kiroŭcaŭ, paviedamiŭ na sustrečy z žurnalistami 20 červienia načalnik UDAI HUUS Minharvykankama Dźmitryj Karziuk.
Pavodle jaho słoŭ, paŭtorna na praciahu hoda za kiravańnie ŭ niećviarozym stanie zatrymlivajucca kala 20% takich vadzicielaŭ. U asnoŭnym u katehoryju niećviarozych vadzicielaŭ uvachodziać hramadzianie ad 21 da 42 hadoŭ.
Narkatyčnaje apjanieńnie vyjaŭlajecca prykładna ŭ 10% vypadkaŭ, skazaŭ kiraŭnik staličnaj DAI.
Nahadajem, 19 červienia pałata pradstaŭnikoŭ adrazu ŭ dvuch čytańniach pryniała papraŭki ŭ niekatoryja kodeksy Respubliki Biełaruś pa pytańniach uzmacnieńnia mier adkaznaści za kiravańnie transpartnym srodkam u stanie apjanieńnia. U pryvatnaści, budzie mahčymaja kanfiskacyja aŭtamabila, kali hramadzianin, zatrymany za kiravańnie transpartnym srodkam u stanie apjanieńnia, na praciahu hoda ŭžo byŭ administracyjna pakarany za anałahičnyja złačynstvy. Zakonaprajekt praduhledžvaje pavieličeńnie štrafu za kiravańnie transpartnym srodkam asobaj, jakaja znachodziłasia ŭ stanie apjanieńnia, pieradaču kiravańnia transpartnym srodkam takoj asobie abo admovu ad prachodžańnia ahladu da sta bazavych vieličyń. Taksama ŭzmacniajucca miery kryminalnaj adkaznaści šlacham ŭviadzieńnia pakarańnia ŭ vyhladzie pazbaŭleńnia voli.
Na dumku Karziuka, uviadzieńnie normy ab kanfiskacyi aŭtamabilaŭ pryviadzie da źnižeńnia kolkaści niećviarozych kiroŭcaŭ na darohach.
«70% vadzicielaŭ — absalutna narmalnyja, uzvažanyja ludzi. Ja dumaju, što, vyvučyŭšy zakanadaŭstva, mnohija admoviacca navat ad niaznačnaj doli ałkaholu, jakuju jany mahli sabie dazvolić», — padkreśliŭ jon.
Pavodle słoŭ načalnika minskaj DAI, «hramadskaść u asnoŭnym vitaje heta rašeńnie».
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary