Nahadajem, 21 žniŭnia ŭ aktyvista Siarhieja Siamionava ŭ pamiežnym punkcie «Cierucha» biełaruska‑ŭkrainskaj miažy mytniki zapatrabavali zapoŭnić dekłaracyju. Maładzion adkazaŭ na heta, što hatovy pradastavić nieabchodnuju infarmacyju ŭ vusnaj formie. Adnak supracoŭniki mytni aznajomili jaho z pastanovaj. U joj paviedamlałasia, što spadar Siamionaŭ pa zapatrabavańniu mytni abaviazany zapaŭniać dekłaracyju vyklučna ŭ piśmovaj formie. Vynikam niepraciahłaj razmovy z supracoŭnikami mytnaha kamiteta stałasia składańnie pratakoła «ab niepadparadkavańni zakonnym patrabavańniam supracoŭnika mytni».
Jak paviedamiŭ Racyi Siarhiej Siamionaŭ, sud adbyŭsia za paru chvilinaŭ: «Sud prachodziŭ zvyčajna. Ja patłumačyŭ, što nie admaŭlaŭsia ad zapaŭnieńnia mytnaj dekłaracyi, a prosta paprasiŭ vydać błank ci na biełaruskaj movie, ci vyklikać pierakładčyka. Sudździa padumała litaralna chvilinaŭ 5‑10 i skazała, što ja vinavaty».
Aktyvist źbirajecca abskardžvać rašeńnie ŭ abłasnym sudzie, a taksama padać zajavu ŭ prakuraturu na supracoŭnikaŭ mytni za paklop.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)