Darafiejeva, Poŭny, Jakubovič dy inš. uvajšli ŭ Hramadski saviet pry MUS

U skład hramadskaha savieta pry Ministerstvie ŭnutranych spraŭ Biełarusi, pieršaje pasiadžeńnie jakoha adbudziecca 28 červienia, uvachodzić 21 čałaviek. Heta pradstaŭniki mastactva, kultury, relihii, jurysprudencyi, pramysłovaści, sacyjalnaj pracy, miedycyny, sportu, ŚMI, parłamientaryi, paviedamili BiełaPAN u milicejskim viedamstvie.

Siarod tych, chto zhadziŭsia na hramadskich pačatkach uvajści ŭ skład savieta, — hiendyrektar Nacyjanalnaha akademičnaha teatra imia Janki Kupały Pavieł Palakoŭ, hiendyrektar Nacyjanalnaha akademičnaha Vialikaha teatra opiery i baleta Uładzimir Hrydziuška, dyrektar Nacyjanalnaha mastackaha muzieja Uładzimir Prakapcoŭ, zahadčyca kafiedry mastactva estrady Biełaruskaha dziaržaŭnaha ŭniviersiteta kultury i mastactvaŭ Iryna Darafiejeva, mastacki kiraŭnik centra pa padrychtoŭcy talenavitaj moładzi imia U.Mulavina Śviatłana Stacenka, dyrektar Instytuta dziaržaŭnaj słužby Akademii kiravańnia pry prezidencie Mikałaj Ščokin, namieśnik staršyni pastajannaj kamisii Pałaty pradstaŭnikoŭ pa nacyjanalnaj biaśpiecy, staršynia hramadskaha abjadnańnia «Biełaruski sajuz vieteranaŭ vajny ŭ Afhanistanie», były kamandujučy ŭnutranymi vojskami Valeryj Hajdukievič, upaŭnavažany pa spravach relihij i nacyjanalnaściaŭ Leanid Hulaka, nastajaciel Usichśviackaha prychoda BPC protaijerej ajciec Fiodar Poŭny, alimipijskaja čempijonka, sudździa i trenier pa mastackaj himnastycy, kiraŭnik dziciačaj škoły svajho imia i kamisii «Žančyny i sport» u Vykankamie NAK, člen prezidyuma centralnaha savieta BFST «Dynama» Maryna Łobač, dyrektar zavoda «Palimir» AAT «Naftan» Aleh Žebin, hiendyrektar AAT «Biełaruśkalij» Valeryj Kiryjenka, kiraŭnik RNPC transpłantacyi orhanaŭ i tkanak Aleh Rumo, staršynia Nacyjanalnaj dziaržaŭnaj teleradyjokampanii Hienadź Davydźko, hałoŭny redaktar ustanovy Administracyi prezidenta «Redakcyja haziety «Sovietskaja Biełoruśsija» Pavieł Jakubovič.

Hramadski saviet pry MUS zasnavany 26 sakavika 2013 hoda pastanovaj ministerstva № 115.

Na pieršym pasiadžeńni hramadskaha savieta płanujecca abrać staršyniu, jaho namieśnika i sakratara, abmierkavać pytańni arhanizacyi płanavańnia i spravavodstva. Prysutnym budzie daviedziena infarmacyja pra 100-hadovy jubilej MUS, jaki maje adbycca ŭ 2017 hodzie, manitorynh stupieni davieru nasielnictva milicyi, prablemnyja pytańni ŭ dziejnaści jaje padraździaleńniaŭ i słužbaŭ.

• 0
• 0
• 0
• 0
• 0
• 0