U Biełarusi imkliva raspaŭsiudžvajecca sumnik kanadski — taki ž niebiaśpiečny, jak barščeŭnik i kałaradski žuk
Z 27 červienia ŭ sietcy internet staŭ dastupny navučalny film «Uvaha! Sumnik!», pryśviečany novaj pahrozie dla pryrody Biełarusi — imklivamu raspaŭsiudžvańniu sumnika kanadskaha, paviedamlaje sajt pradstaŭnictva AAN u Biełarusi. Film źniaty pa inicyjatyvie Ministerstva pryrodnych resursaŭ i achovy navakolnaha asiarodździa Biełarusi ŭ miežach vykanańnia prajekta Prahramy raźvićcia AAN i Hłabalnaha ekałahičnaha fondu «Bijaraznastajnaść».
«Pa stupieni niebiaśpieki dla navakolnaha asiarodździa i dabrabytu čałavieka hety čužarodny vid znachodzicca ŭ adnym šerahu z barščeŭnikam Sasnoŭskaha i kałaradskim žukom», — padkreśliła načalnik upraŭleńnia bijałahičnaj i łandšaftnaj raznastajnaści Minpryrody Natalla Minčanka.Pavodle jaje słoŭ, baraćba ź invaziŭnymi vidami žyvioł i raślin — adna z asnoŭnych zadač pa zabieśpiačeńni nacyjanalnaj biaśpieki Biełarusi ŭ ekałahičnaj śfiery. «Sumnik kanadski ŭžo siońnia nanosić vialikija straty nie tolki pryrodzie Biełarusi, ale i lasnoj i sielskaj haspadarcy. Ciapier hety praces jašče možna ŭziać pad kantrol. Tamu ja źviartajusia da ziemlekarystalnikaŭ: heta naša z vami ahulnaja zadača i ahulnaja adkaznaść. Kali my nie spynim raspaŭsiudžvańnie sumnika kanadskaha ciapier, to ŭžo praź niekalki hadoŭ heta praca zapatrabuje ad nas našmat bolš sił i srodkaŭ», — upeŭniena śpiecyjalist.
Jana raskazała, što ahresiŭnamu raspaŭsiudžvańniu sumnika kanadskaha spryjajuć niekalki faktaraŭ. U pryvatnaści, u Biełarusi jon nie sustrakaje «vorahaŭ» ź likuTaksama karani sumnika vypracoŭvajuć inhibitary — rečyvy, jakija dušać rost inšych raślin. «Uśled za hetym źnikaje bolšaść łuhavych nasiakomych, ptušak, drobnych mlekakormiačych. Takim čynam, zajmajučy luby ŭčastak, sumnik całkam źmianiaje jaho žyviolny i raślinny śviet», — skazała Minčanka, dadaŭšy, što stanovišča ŭskładniajecca abyjakavaściu žyvioł da ŭžyvańnia sumnika ŭ ježu.raślin-kankurentaŭ i nasiakomych, a kožny kust sumnika vydaje da 100 000 nasieńnia, jakija adroźnivajucca vielmi vysokaj uschodžaściu — da 95%.
«Sumnik kanadski chutka zamacoŭvajecca na sienažaciach, pašach, vyhanach, mielijaravanych bałotach, pustkach, lasnych uźleskach, vysiečkach. Jašče adnu pahrozu niasie zasialeńnie sumnikam lasoŭ, dzie jon raspaŭsiudžvajecca pa ŭźleskach i vysiečkach», — reziumavała ekśpiert.
Načalnik upraŭleńnia lasnoj haspadarki Ministerstva lasnoj haspadarki Valancin Šatraŭka, u svaju čarhu, padkreśliŭ, što da prablemy nieabchodna stavicca z maksimalnaj surjoznaściu. Jon rastłumačyŭ, što krynicaj nasieńnia sumnika źjaŭlajucca prysiadzibnyja ŭčastki i mohiłki, dzie jaho vyroščvajuć jak dekaratyŭnuju kulturu. Adtul sumnik raspaŭsiudžvajecca na prylehłyja lasy i sienažaci. Tamu pry stvareńni kvietnikaŭ nieabchodna zamianiać jaho inšymi dekaratyŭnymi vidami.
Zmahacca z sumnikam možna chimičnymi i miechaničnymi mietadami, adznačyŭ Šatraŭka. Tak, skošvać niebiaśpiečnaje pustazielle rekamiendujecca pa miery adrastańnia da 15–20 sm, heta značyć 3–4 razy za siezon.«Alternatyvaj moža być adnarazovaje skošvańnie ŭ druhoj pałovie žniŭnia da vyśpiavańnia nasieńnia. U hetym vypadku skošanyja raśliny treba abaviazkova ŭtylizavać — spalić ci zakampastavać. Tam, dzie sumnik zajmaje značnyja płoščy, efiektyŭnym vyrašeńniem budzie pieravorvańnie z padsiavańniem šmathadovaj travy», — skazaŭ śpiecyjalist.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?7
Kamientary