U Kijevie adłupcavali ŭdzielnikaŭ akcyi «Bracki šlach. Ruskaja daroha». Na junakoŭ, jakija ŭdzielničajuć u prabiežcy, jakaja zaklikaje da jadnańnia brackija słavianskija narody, napali ŭkrainskija patryjoty.
Udzielnikaŭ prabiežki spynili na Žytomirskaj trasie z krykam «Słava Ukrainie — Śmierć voraham!». Jany mocna raźbili supravadžajučy aŭtamabil z nadpisam «Rasija — Sierbija», vykarystali hazavyja bałončyki.
Napadniki taksama zabrali z saboj biust cara Mikałaja II, jaki vieźli ŭ jakaści padarunka sierbskamu Ruskamu domu.
Akcyja «Bracki šlach. Ruskaja daroha» startavała 1 červienia ŭ Sierhijevym Pasadzie (Rasija), dalej maršrut pralahaŭ praź Biełaruś, Ukrainu, potym miełasia być Polšča, Čechija, Słavakija, Vienhryja, i 1 žniŭnia prabiežka pavinna była skončycca ŭ Białhradzie.
U joj udzielničali čatyry maładyja čałavieki ź Biełarusi, adzin z Dnieprapiatroŭska, a taksama arhanizatar z Padmaskoŭja.Padčas akcyi pastajanna niekalki čałaviek biahuć, napieramienku trymajučy ściahi:
0
0
0
0
0
0
