Mnohija pradprymalniki handlovych centraŭ i rynkaŭ Miensku i rehijonaŭ Biełarusi źbirajucca z 2 lipienia prypynić svaju dziejnaść z-za niemahčymaści pracy va ŭmovach patrabavańniaŭ techničnaha rehlamentu Mytnaha źviazu «Ab biaśpiecy pradukcyi lohkaj pramysłovaści». Pra heta paviedamiŭ adzin z kiraŭnikoŭ abjadnańnia «Perspektyva» Viačasłaŭ Pilipuk.
Aktyvisty RHA «Perspektyva» i arhkamitetu pa stvareńni prafsajuzu indyvidualnych pradprymalnikaŭ «Razam» 1 lipienia źviarnulisia da namieśnika premjer-ministra, staršyni Rady pa raźvićci pradprymalnictva ŭ Biełarusi Piatra Prakapoviča z prośbaj paŭpłyvać na ministerstvy i viedamstvy — raspracoŭščykaŭ sumiesnaj pastanovy ab spraščeńni paradku sertyfikacyi tavaraŭ lohkaj pramysłovaści z ulikam intaresaŭ pradprymalnikaŭ.
Techrehlament Mytnaha źviazu «Ab biaśpiecy pradukcyi lohkaj pramysłovaści» ŭstupiŭ u siłu 1 lipienia 2012 hodu. Kab pierajści da jaho vykanańnia, byŭ vyznačany termin da 1 lipienia 2014 hodu, adnak u Biełarusi dla pradprymalnikaŭ hety termin pryznačyli ŭžo na 1 lipienia 2013 hodu. Zhodna z dakumentam, pradprymalniki pavinny zamaŭlać davoli darahuju ekspertyzu paćviardžeńnia jakaści tavaraŭ lohkaj pramysłovaści.
Viačasłaŭ Pilipuk apavioŭ, što pradprymalniki praciahvajuć nieści ŭ padatkovyja orhany tak zvanyja «nulavyja deklaracyi», jakija paćviardžajuć adsutnaść ruchu srodkaŭ pa ichnich rachunkach.
Pradprymalniki nia raz vykazvali niezadavolenaść Techrehlamentam. 27 červienia jany praviali adnadzionny strajk. Lidera «Perspektyvy»Anatola Šumčanku zatrymali i asudzili na 5 sutak aryštu za arhanizacyju niesankcyjanavanaha schodu.
28 červienia aktyvisty «Perspektyvy» padali ŭ Minharvykankam zajaŭku na praviadzieńnie 15 lipienia ŭ stalicy maršu pradprymalnikaŭ i mitynhu.
