Alaksandr Łukašenka skarystaŭ spravu Snoŭdena, kab źvinavacić ZŠA ŭ sprobach uvieści tatalnaje sačeńnie ŭ suśvietnym maštabie. Jon zrabiŭ heta 1 lipienia ŭ svajoj pramovie na ŭračystym schodzie z nahody Dnia Respubliki.
«Mianie časta krytykavali za toje, što ja časam nazyvaŭ Złučanyja Štaty sučasnaj dyktaturaj. Mnie nikoli nie chaciełasia pakryŭdzić ci abrazić hetuju vialikuju krainu. Ale chiba sproby tatalnaha sačeńnia ŭ suśvietnym maštabie nie jość viernym prykmietaj dyktatarskich i tatalitarnych zamašak? I nie tolki z boku Złučanych Štataŭ «, — zajaviŭ Łukašenka.
«Našy sietki, bazy źviestak, kanały kamunikacyj, a taksama pryvatnaje žyćcio našych hramadzian pavinny być nadziejna abaronieny ad luboha zamiežnaha zamachu», — skazaŭ Łukašenka.
Jon pryznaŭ, što «ŭ adzinočku my nie zdolnyja supraćstajać hłabalnym technałohijach». «Tamu ŭ hetaj śfiery my pavinny rezka naraścić supracoŭnictva z našymi sajuźnikami i, pierš za ŭsio, z Kitajem — krainaj, jakaja zdoleła stvaryć efiektyŭnuju sistemu abarony nacyjanalnaj kibierprastory». «Dumaju, u bližejšy čas mnie ŭdasca abmierkavać hetuju prablemu z kiraŭnikom Kitaja», — dadaŭ jon.
Na dumku Łukašenki, «siarod usich novych vyklikaŭ i pahroz infarmacyjnaja biaśpieka ŭ samym šyrokim sensie hetaha słova źjaŭlajecca hałoŭnaj». «Heta nie aznačaje, što my žadajem adharadzicca ad usiaho śvietu, ci niejkim čynam abmiežavać zakonnyja svabody našych hramadzian u internecie». «U suviazi z hetym mnohija pačnuć zajaŭlać, što, maŭlaŭ, Łukašenka kahości zapałochvaje, choča ad kahości adharadzicca. My ni ad koha nie adharodžvajecca, ja kažu heta tamu, što my, budučy ŭciahnienymi ŭ heta, nie budziem chavacca, my pavinny zmahacca. I
Varta adznačyć, što ŭ rejtynhach svabody słova Biełaruś zajmaje apošnija radki ŭ śviecie. Ale situacyja ŭ Kitai jašče horšaja: tam taksama dyktatura, i ŭłada filtruje ŭ internecie ŭsiu krytyčnuju infarmacyju. U vyniku ŭ krainie biez krytyčnych ŚMI i svabody vykazvańnia biaźlitasna ekspłuatujucca ludskija i pryrodnyja resursy. Sacyjalnyja pravy ludziej nie abaronienyja, a ekałahičnaja situacyja kašmarnaja.
