Ihar byŭ doktaram navuk, prafiesaram, zahadčykam łabaratoryi ŭ Techničnym univiersitecie, piśmieńnikam (psieŭdanim Stach Dziedzič). Sa svajoj žonkaj Rytaj Hvoździk jany paznajomilisia tryccać hadoŭ tamu ŭ Biełaruskaj Majstroŭni. U Ihara zastaŭsia syn Stach, jaki staŭ mieniedžaram, i dačka Javažyna — dyzajnierka mody.
Paplečnik Vincuk Viačorka ŭzhadvaje Ihara Mikłaševiča:
«Heta nievierahodna, i tak skažuć usie, chto viedaŭ Ihara. Što za praklon na nas nakładzieny, čamu znoŭ my musim kazać pra paplečnikaŭ u prošłym časie?!
Enierhičny, fizik z adukacyi, Ihar unios kaliści svaju enierhiju ŭ biełaruski majstroŭski ruch: intelektualnuju i fizičnuju. Paśladoŭny nacyjanalny ramantyk — piśmieńnik Stach Dziedzič — i ŭ toj ža čas hruntoŭny biełarus, ukarenieny ŭ realnaść i tamu zdolny źmianiać jaje vakoł siabie: biełaruskamoŭny prafiesar Techničnaha ŭniviersiteta... A siamja! Biełaruskaja i biełaruskamoŭnaja siamja, dzie ščaśliva adbylisia i baćki, i dzieci... Daj Boža vytryvać hety niečuvany ŭdar i najhłybiejšyja spačuvańni žoncy Rycie, dzieciam Stachu i Javažynie...»
Raźvitańnie adbudziecca ŭ piatnicu ŭ Minsku a 13-j hadzinie pa adrasie Rakasoŭskaha 55, dzie Ihar Mikłaševič žyŭ. Pachavańnie na mohiłkach u Minskim rajonie, kala Siomkavaha Haradka.
Historyja adnaho cudu: Mikłaševičy