«Parłamient Kyrhyzstana hatovy akazać padtrymku pravaachoŭnym orhanam u ekstradycyi Kurmanbieka Bakijeva ź Biełarusi», — zajaviŭ śpikier parłamienta Asyłbiek Žeenbiekaŭ na
Pavodle słoŭ śpikiera, jon asabista pieradaŭ kiraŭnictvu Nacyjanalnaha schodu Biełarusi patrabavańnie ab vydačy Bakijevych. «Kiraŭnictva siłavych struktur pa svaich kanałach nieadnarazova źviartałasia z takim ža zapytam, ale aficyjny Minsk admaŭlaŭ, matyvujučy tym, što zaraz Bakijevy — hramadzianie Biełarusi. Ale heta nie arhumient, Bakijeŭ učyniŭ złačynstva, kali byŭ hramadzianinam Kyrhyzstana, i jon pavinien adkazać pierad našym zakonam», — upeŭnieny Asyłbiek Žeenbiekaŭ.
Kurmanbiek Bakijeŭ ź nieaficyjnaj žonkaj i dvuma dziećmi pryjechaŭ u Biełaruś pa asabistym zaprašeńni Alaksandra Łukašenki 19 krasavika 2010 hoda paśla dziaržaŭnaha pieravarotu ŭ Kyrhyzstanie. Padčas pieravarotu zahinuli kala 90 čałaviek, prykładna tysiača atrymali ranieńni. Kurmanbiek Bakijeŭ, jaho brat Žanybiek, syn Marat i inšyja nabližanyja zavočna byli abvinavačanyja ŭ masavym zabojstvie, spałučanym ź pieravyšeńniem słužbovych paŭnamoctvaŭ, i abjaŭleny ŭ mižnarodny vyšuk. Novyja ŭłady Kyrhyzstana nieadnarazova źviartalisia ŭ Hienprakuraturu Biełarusi z prośbaj ab vydačy Bakijeva, ale atrymlivali admovu. Na dumku biełaruskaha boku, pravavych padstaŭ dla zadavalnieńnia prośby ab vydačy Bakijeva niama.
