Hadavy zarobak Chenłana składzie $170 tys 1

Hadavaja zarpłata Chenłana na pasadzie hałoŭnaha treniera zbornaj Biełarusi składzie kala 170 tysiač dalaraŭ. Pra heta siońnia na pres-kanfierencyi paviedamiŭ staršynia Fiederacyi chakieja Biełarusi Jaŭhien Vorsin.

«Heta nie źjaŭlajecca kamiercyjnaj tajamnicaj. Zarobak Hlena Chenłana składzie ŭ miežach 170 tysiač dalaraŭ u hod», — skazaŭ staršynia FCHRB.

Kantrakt Chenłana ŭstupiŭ u dziejańnie z 1 lipienia i padpisany na dva hady, a pry vykanańni abaviazacielstvaŭ moža być prałanhiravany na tych ža ŭmovach jašče na adzin hod.

Akramia taho, Hlen Chenłan raspracavaŭ i pradstaviŭ prahramu raźvićcia padrychtoŭki nacyjanalnaj zbornaj da čempijanatu śvietu-2014. Zhodna z umovami kantraktu, kanadski śpiecyjalist prymie ŭdzieł nie tolki ŭ pracy z nacyjanalnaj zbornaj, ale i ŭ padrychtoŭcy stratehii raźvićcia maładziožnaha i junackaha chakieja.

Čakajecca, što kanadziec prybudzie ŭ Minsk u kancy lipienia — pačatku žniŭnia paśla kančatkovaha ŭzhadnieńnia prahramy padrychtoŭki zbornych kamand na siezon 2013/14.

Nahadajem, što Hlen Chenłan užo kiravaŭ zbornaj Biełarusi i pad jaho kiraŭnictvam byŭ dasiahnuty lepšy vynik u historyi kamandy na čempijanatach śvietu — 6-je miesca ŭ 2006 hodzie. Kanadziec pakinuŭ Minsk u 2009 hodzie, kali byŭ zvolnieny z pasady hałoŭnaha treniera minskaha «Dynama» i nie pažadaŭ praciahvać pracu ŭ nacyjanalnaj kamandzie.

0

0

0

0

0

0

sport.tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH