 Valer Varaniecki |
Biełaruś i Jeŭrasajuz pavinny pierachodzić ad prostaha handlu da bolš prahresiŭnych form ekanamičnaha ŭzajemadziejańnia. Biełaruski bok zaprašaje jeŭrapiejskich inviestaraŭ u stratehičnyja śfiery ekanomiki respubliki: enierhietyku, mašynabudavańnie, chimičnuju i naftapierapracoŭčuju pramysłovaść. Ab hetym zajaviŭ namieśnik ministra zamiežnych spraŭ Biełarusi Valeryj Varaniecki na kanfierencyi "Sumiesnyja dziejańni - umacavańnie Jeŭrapiejskaj palityki susiedstva" ŭ Brusieli, paviedamili BIEŁTA u źniešniepalityčnym viedamstvie.
"Našym krainam para na spravie pierachodzić da farmiravańnia ahulnaj kankurentnaj ekanamičnaj prastory na jeŭrapiejskim kantyniencie, da stvareńnia adzinych technałahičnych łancužkoŭ, adzinych łahistyčnych i tranzitnych schiem. Biez hetaha Jeŭropa budzie prajhravać u hłabalnym ekanamičnym spabornictvie", - skazaŭ namieśnik kiraŭnika biełaruskaha MZS.
Pavodle jaho słoŭ, zasłon na šlachu nielehalnaj mihracyi, kryminału, handlu ludźmi i narkatrafiku taksama nie budzie nadziejny biez hłybokaha i sistemnaha supracoŭnictva. "Sumiesna ź ES Biełaruś mahła b bolš efiektyŭna procidziejničać arhanizavanaj złačynnaści i teraryzmu. Biaśpieka i dabrabyt radavych jeŭrapiejcaŭ tolki vyjhrajuć ad ustanaŭleńnia plonnaha ŭzajemadziejańnia pahraničnych i mytnych słužbaŭ, pravaachoŭnych orhanaŭ Biełarusi i Jeŭrasajuza", - adznačyŭ Valeryj Varaniecki.
Jon taksama padkreśliŭ, što vajenna-palityčnyja biaśpieka i bałans znoŭ stanoviacca vostraj i važnaj stratehičnaj temaj dla ŭsioj Jeŭropy. "Biełaruś, znachodziačysia ŭ asabliva adčuvalnaj u hetych adnosinach zonie ŭ Jeŭropie, taksama zacikaŭlena va ŭzajemadziejańni z usimi klučavymi partniorami ŭ intaresach ahulnaj stabilnaści", - dadaŭ namieśnik ministra.
