Alaksandr Łukašenka ličyć nieabchodnym uzmacniaćbiełaruska-rasijskaje ŭzajemadziejańnie ŭ śfiery realizacyi kalijnych uhnajeńniaŭ. Pra heta jon zajaviŭ 22 lipienia na naradzie pa pytańniach ich realizacyi.
«My imkniemsia ŭmacavać svaju prysutnaść jak na tradycyjnych dla nas, tak i na novych, pierśpiektyŭnych rynkach minieralnych uhnajeńniaŭ. Razam z rasijanami nam budzie praściej i lahčej adstojvać svaje intaresy», — skazaŭ jon.
Jon nahadaŭ, što ŭ mai była stvoranaja rabočaja hrupa, jakaja siońnia pavinna infarmavać kiraŭnika dziaržavy pra vyniki svajoj pracy.«Pakolki byli niekatoryja prablemy na ciapierašnim etapie, niaŭzhodnienyja dziejańni i mierkavańni pa pracy ŭ hetaj śfiery (i heta ŭskładniałasia tym, što my ž nie adny pracavali pry realizacyi kalijnych uhnajeńniaŭ, my ciesna supracoŭničali z rasijanami ŭ hetaj śfiery), tamu było rašeńnie — pryciahnuć, jak pryniata ciapier kazać, niezaležnych śpiecyjalistaŭ i praanalizavać situacyju», — adznačyŭ kiraŭnik dziaržavy.
Pavodle słoŭ Łukašenki, dahetul isnujuć roznyja mierkavańni i padychody da asobnych pytańniaŭ. Tamu, skazaŭ jon, metaj ciapierašniaj narady źjaŭlajecca kančatkovaje pryniaćcie rašeńnia i vyznačeńnie adzinaj pazicyi ŭsich orhanaŭ ułady ŭ śfiery kalijnych uhnajeńniaŭ.
Akramia taho, jaho cikavić praca na pierśpiektyvu. «Źjaŭlajucca novyja vytvorcy kalijnych uhnajeńniaŭ, i nie tolki ŭnutry našaj krainy, ale i za jaje miežami, jakija chacieli b u pierśpiektyvie, jak jany siońnia zajaŭlajuć, pracavać sumiesna z nami pa realizacyi kalijnych uhnajeńniaŭ praz BKK», — adznačyŭ kiraŭnik dziaržavy.Łukašenka padkreśliŭ, što chacieŭ by pačuć ad udzielnikaŭ narady, jakaja ciapier situacyja z vytvorčaściu i realizacyjaj kalijnych uhnajeńniaŭ, a taksama finansavy składnik.
Łukašenka źviarnuŭ uvahu na toje, što Biełaruskaja kalijnaja kampanija była stvoranaja dla pavyšeńnia efiektyŭnaści pracy jak «Biełaruśkalija», tak i «Urałkalija».Pavodle jaho słoŭ, žyćcio pakazała, što heta rašeńnie było ŭzvažanym i svoječasovym, bo z momantu svajho źjaŭleńnia kampanija zavajavała vielizarny aŭtarytet, a dziakujučy jakaści pradukcyi ź joj ličacca ŭsie partniory ŭ śviecie. «Ale ŭ apošnija hady ŭ śfiery vytvorčaści i realizacyi kalijnych uhnajeńniaŭ adbyvajucca istotnyja źmianieńni, i nam treba pryniać rašeńnie, jak dziejničać na pierśpiektyvu», — skazaŭ Łukašenka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary