Supiersučasnuju sistemu apłaty daroh BelToll vartujuć ludzi ŭ pałatkach
Kala partałaŭ BelToll — sistemy apłaty za karystańnia aŭtadarohami — na trasie M1 u pałatkach dniujuć i načujuć ludzi. Jany i jaduć, i śpiać u svaich šałašach. Kab abierahčysia ad daždžu, maleńki spalny namiot staić unutry vialikaha, dzionnaha.Heta nie turysty. Heta achoŭniki, što pilnujuć elektrahienieratary, jakija zabiaśpiečvajuć enierhijaj punkty kantrolu. Sprava ŭ tym, što ŭ kampanii «Kapš Telematyk Servisiz», apieratara sistemy BelToll, uźnikli biurakratyčnyja prablemy z padviadzieńniem elektryčnaści da niekatorych partałaŭ praz vornyja ziemli, jakija ŭ Biełarusi amal niedatykalnyja. Tamu, kab pačać testavuju ekspłuatacyju sistemy, la kožnaha partała ŭstalavali pa dyzielnym elektrahienieratary.
Adnak nieŭzabavie 10 hienierataraŭ skrali. Tamu, kab praduchilić nastupnyja kradziažy, la kožnaha partała pasadzili pa vartaŭniku, jakija žyvuć i śpiać u turystyčnych namiotach.
Kožny dzień im padvoziać praviziju i paliva dla hienieratara. Vartaj zajmajucca mužčyny dužaha ciełaskładu.
Kamientary