Łukašenka pra futboł: Brydka televizar hladzieć 17

«Horš, čym ciapier, u nas futboła nie było.

Navat brydka televizar hladzieć»,

— skazaŭ A.Łukašenka, naviedvajučy ŭ piatnicu akvapark.

Łukašenka nie staŭ dalej raźvivać temu. Miarkujučy pa ŭsim, niezadavolenaść była vyklikana vystupam biełaruskich futbolnych kłubaŭ u jeŭrapiejskich turnirach, vykazvaje dumku Interfaks.

Nahadajem, što na hetym tydni dva biełaruskija kłuby pakinuli jeŭrakubki.

BATE vybyŭ z 2-ha raŭndu kvalifikacyi Lihi čempijonaŭ, prajhraŭšy karahandzinskamu «Šachcioru» (0:1, 0:1), a lidar čempijanatu salihorski «Šachcior» prajhraŭ u 2-m raŭndzie kvalifikacyi Lihi Jeŭropy małdoŭskamu «Miłsami» (1:1, 1:1, 2:4-pienalci).

U nastupny raŭnd vyjšli «Minsk» i «Dynama» Minsk.

BATE, jaki piać hadoŭ zapar hulaŭ u hrupavych turnirach Lihi čempijonaŭ i Lihi Jeŭropy, spatyknuŭsia na pieršym dla siabie raŭndzie.