«Katalickim špijonam» moža być ajciec Uładzisłaŭ Łazar z Barysava
Jak stała viadoma «Našaj Nivie» ad krynicy ŭ katalickich kołach, «špijonam, jaki praz kaścioł byŭ źviazany z zamiežžam», moža być ks. Uładzisłaŭ Łazar. Pavodle našaj infarmacyi, jon byŭ zatrymany i siadzić u turmie KDB. Nam pakul nie ŭdałosia paćvierdzić hetuju infarmacyju ŭ aficyjnych krynicach.
Pra zatrymańnie «zdradnika», jaki byŭ «źviazany z zamiežžam praz kaścioł», učora zajaviŭ Alaksandr Łukašenka. Jahonaja zajava prahučała napiaredadni
Ksiondz Uładzisłaŭ Łazar słužyŭ raniej u Marjinaj Horcy i Rudziensku. Karystaŭsia tam vialikaj pavahaj parafijanaŭ. 14 krasavika dekretam arcybiskupa Kandrusieviča byŭ pryznačany administrataram z pravami probašča parafii Spasłańnia Ducha Śviatoha ŭ Barysavie. Heta parafija pry kaplicy na mohiłkach u Barysavie. Łazar — hramadzianin Biełarusi, vučyŭsia ŭ Hrodzienskaj sieminaryi, paśla — u Polščy.
Akaličnaści spravy nieviadomyja. Pieramovami z uładami ŭ hetym pytańni zajmajecca arcybiskup Hudžeroci. Ijerarchija nie žadaje razhałošvać hetuju spravu.
Varta adznačyć cikavaje supadzieńnie dataŭ. Jak paviedamlajuć znajomyja, ksiondz byŭ zatrymany dva miesiacy nazad. A trochi bolš za miesiac nazad papa Francišak vykazaŭ svaju simpatyju tym, «chto pakutuje» ŭ Biełarusi. Heta pračytvałasia jak žest padtrymki viaźniam sumleńnia, u pieramovach ab vyzvaleńni jakich pasiaredničała Katalickaja carkva.
Katalickija śviatary, skazaŭ surazmoŭca «Našaj Nivy», uspryniali viestku pra zatrymańnie kalehi jak złaviesny znak. Jak viadoma, «za suviaź z zamiežžam» masava aryštoŭvali ksiandzoŭ u saviecki čas. Faktyčna, «suviaź z zamiežžam» maje luby kleryk, bo Katalickaja carkva maje svoj centr u Vatykanie.
Śviatary ličać aryšt kalehi albo pomstaj kaściołu za jahonuju ŭvahu da viaźniaŭ sumleńnia ŭ Biełarusi, abo, šyrej bieručy, za jaho niezaležnaść. Katalickaja carkva, u adroźnieńnie ad niekatorych inšych kanfiesij, nie dapuskaje kantrolu śpiecsłužbaŭ nad saboj i trymaje dystancyju ad uładaŭ.
Bolš infarmacyi čytajcie ŭ «Našaj Nivie» nieŭzabavie.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary