Sioleta ŭ Biełaruskim dziaržaŭnym univiersitecie infarmatyki i radyjoelektroniki značna vyras minimalny prachadny bał, zajaviŭ žurnalistam rektar VNU Michaił Batura 29 lipienia napiaredadni publičnaj pracedury zaličeńnia abituryjentaŭ na dzionnuju biudžetnuju formu navučańnia va ŭniviersitecie.
Pavodle słoŭ rektara, letaś minimalny prachadny bał u VNU składaŭ 219, a sioleta — 263 dla haradskich abituryjentaŭ i 241 — dla sielskich.«Prachadny bał pavialičyŭsia na 40 adzinak. Heta zrabili sami abituryjenty, tamu što lepš prajšli testavańnie», — adznačyŭ jon.
Pavodle mierkavańnia Batury, vialikuju rolu ŭ hetym pracesie syhrała ŭviadzieńnie minimalnych značeńniaŭ CT, nieabchodnych dla pastupleńnia ŭ VNU, jakija «mabilizavali abituryjentaŭ».
Najbolš papularnymi śpiecyjalnaściami sioleta stali «Infarmatyka i technałohii prahramiravańnia» (prachadny bał — 360) i «Prahramnaje zabieśpiačeńnie infarmacyjnych technałohij» (340 bałaŭ), adznačyŭ Batura.
Sioleta ŭ VNU adkryłasia novaja śpiecyjalnaść «Prahramnyja mabilnyja sistemy», na jakuju zafiksavany konkurs 4 čałavieki na miesca, a prachadny bał — 310. Pavodle słoŭ Batury, na hetaj śpiecyjalnaści dystancyjnaje navučańnie zmohuć prachodzić taksama žychary ZŠA.
U VNU źjaviłasia novaja anhłamoŭnaja śpiecyjalnaść — «
Pavodle słoŭ rektara BDUIR, sioleta śpiecyjalisty VNU dapamahajuć kaleham ź Biełaruskaha dziaržaŭnaha piedahahičnaha ŭniviersiteta imia Maksima Tanka i Mižnarodnaha dziaržaŭnaha ekałahičnaha ŭniviersiteta imia A.Sacharava ŭkaraniać aŭtamatyzavanuju sistemu zaličeńnia abituryjentaŭ. U BDUIR hetaja sistema ŭžo funkcyjanuje. Jak rastłumačyŭ Batura, pry dapamozie jaje abituryjenty spačatku zaličvajucca va ŭniviersitet u cełym, a zatym raźmiarkoŭvajucca pa fakultetach zychodziačy sa składzienaha imi śpisu siami pryjarytetnych śpiecyjalnaściaŭ.
«Ja dumaju, što jany (inšyja VNU, jakija testujuć prahramu) zastanucca zadavolenyja, tamu što sistema biezdakorna pracuje, sumlenna i abjektyŭna», — adznačyŭ Batura.
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary