U hetuju niadzielu ŭ Maskvie druhi hod zapar adbuducca mierapryjemstvy ŭ ramkach Dnia salidarnaści z hramadzianskaj supolnaściu Biełarusi.
A 16:00 u Centry ekanomii resursaŭ (
kruhły stoł z udziełam pravaabaroncaŭ i ekśpiertaŭ, jakija zajmajucca prablemaj pravoŭ čałavieka i raźvićcia hramadzianskaj supolnaści ŭ Biełarusi. Ekśpierty zrobiać karotkija dakłady, paśla čaho im možna budzie zadać pytańni.
A 17:30 tam ža adkryjecca
fotavystava «Salidarnaść macniejšaja za represii».Vy zmožacie ŭbačyć žyćcio krainy vačami biełaruskich fatohrafaŭ.
U svajoj zajavie arhanizatary kažuć:
«Biełaruś — kraina ŭ samym centry Jeŭropy i ŭ toj ža čas — adzinaja ź dziaržaŭ kantynienta, dzie ŭžyvajecca śmiarotnaje pakarańnie i nie dziejničaje Jeŭrapiejskaja kanviencyja pa pravach čałavieka.
Hramadzianskaja supolnaść Biełarusi — adna z samych mocnych na postsavieckaj prastory. Biełaruskija pravaabaroncy štodnia akazvajuć pravavuju padtrymku dziasiatkam ludziej. Režysiory, mastaki, piśmieńniki i muzyki praciahvajuć tvaryć. Biełaruskaja hrupa „Lapis Trubiackoj“ viadomaja pa ŭsim śviecie svaimi pieśniami i hramadzianskaj pazicyjaj, pry tym, što ŭ siabie na radzimie jany ŭniesieny ŭ „čornyja śpisy“ zabaronienych artystaŭ.
My — hramadzianskija aktyvisty, pravaabaroncy i prosta nieabyjakavyja ludzi — ličym važnym vykazać našu padtrymku hramadzianskaj supolnaści Biełarusi, pradstaŭniki jakoje praciahvajuć prasoŭvać i abaraniać standarty pravoŭ čałavieka i viaršenstva prava, prapanoŭvać novyja idei i inicyjatyvy, dapamahać ludziam, sustrakacca, razmaŭlać, pisać i stvarać».
Staronka padziei na Facebook: https://www.facebook.com/events/486672858076720/
