Našaja kraina napiaredadni Druhoj suśvietnaj vajny trapiła ŭ ciski miž Stalinam i Hitleram i paniesła vializnyja straty ad niekalkich chvalaŭ stalinskich represij, vajennych padziejaŭ i nacysckaj akupacyi. Hetyja časy trahična adhuknulisia na losie praktyčna kožnaj siamji ŭ Biełarusi.
I tut paŭstaje prablema pravilnych intanacyj apoviedu pra hety pieryjad, dzie suadnosilisia b asabistyja i kalektyŭnyja achviary, pavialičvajecca patreba ŭ adekvatnaj pieradačy histaryčnaj pamiaci novym pakaleńniam. Vielmi važnaje miesca tut zajmajuć śpiecyjalna stvoranyja miescy pamiaci — miescy masavych źniščeńniaŭ, jakija pieratvarajucca ŭ miemaryjały nacyjanalnaha značeńnia. Ich stvareńnie ciesna źnitavanaje z palityčnymi patrebami: miemaryjał u vioscy Chatyń padkreślivaŭ achviarnaść usiaho biełaruskaha naroda i kłaŭsia ŭ padmurak «partyzanskaj Biełarusi».
Adkryćcio miesca stalinskich represij pad Kurapatami stała surjoznym udaram pa ŭspryniaćci kamunistyčnaj ułady i ŭzmacniła ruch za niezaležnaść krainy.
My prapanujem vam udzieł u ekskursii z mahčymaściu nie tolki naviedać hałoŭnyja miescy pamiaci, ale i abmierkavać pryncypy i prablemy ŭšanavańnia trahičnych staronak historyi.
Jak adbyvajecca vybar miesca dla miemaryjału? Čamu były kancłahier u Traściancy zastajecca na ŭzbočynie ŭšanavańnia achviar vajny? Jak suadnosicca aficyjnaja viersija z histaryčnymi padziejami? Ci adlustroŭvajecca ŭ chatynskim miemaryjale sapraŭdnaja historyja źniščeńnia hetaj vioski? Chto maje prava na ŭšanavańnie pamiaci achviaraŭ masavych źniščeńniaŭ? Čamu narodny miemaryjał Kurapaty staŭ miescam nie abjadnańnia biełarusaŭ, a palityčnaj kanfrantacyi?
U kancy vandroŭki arhanizatary abiacajuć pryjemny siurpryz.
Raskazvać nam budzie Alaksiej Łastoŭski, kandydat sacyjałahičnych navuk, vykładčyk kursa «
Dabračynny ŭniosak — 170 tys. rubloŭ.
Zapis i daviedki pa telefonie:(029) 180-28-38 (Śviatłana).