Jon staŭ
Košyce — druhi pa vieličyni paśla stalicy Bracisłavy horad u Słavakii. Rajon Lunik IX zaviecca ŭ im najbujniejšym cyhanskim hieta ŭ Jeŭropie. Na abšary kvadratnaha kiłamietra žyvie samaja vialikaja hrupa słavackich cyhanoŭ, kala 6–8 tysiač čałaviek.
Amal usie cyhany žyvuć u drennych umovach, biez elektryčnaści, hazu i vodapravoda. Usio darosłaje nasielnictva rajona nie maje nijakaj stałaj pracy.
Słavaki z susiedniaha rajona Zachad uvieś čas skardzilisia na kradziažy i žabrakoŭ, tamu miascovaja rada dazvoliła pabudavać dvuchmietrovy mur, jaki padzialiŭ kvartały. Ściana kaštavała haradskomu biudžetu 4700 jeŭra. Na słavackim baku pad ścianoj znachodzicca parkinh. Košyckaja palicyja taksama ličyć, što mur pavysić biaśpieku ŭ hetym rajonie.
Cyhanskija arhanizacyi kažuć pra narastańnie rasavaj dyskryminacyi. — Heta jašče adna Ściana płaču, jakaja padzialaje hramadzian krainy, — vykazaŭsia Michał Zalešak ź Jeŭrapiejskaha centra pa pravach cyhanoŭ. Aburanyja taksama aktyvisty Słavackaj filii Amnesty International.
Pavodle dadzienych słavackaj haziety «SME», z 2009 hoda pabudavana ŭžo 14 muroŭ, jakija adłučajuć cyhanoŭ. Budujucca jany ŭ asnoŭnym na ŭschodzie krainy za košt miascovaha biudžetu albo hramadskich hrošaj. Takija mury jość, u pryvatnaści, u Vielkaj Idzie, Astravanach, Siaredzie, Złatych Maraŭcach i Vrutkach.
Najbolš viadomym muram u Słavakii ličycca100-mietrovaja ściana ŭ Michałaŭce na paŭdniovym uschodzie krainy, pabudavanaja ŭ 2009 hodzie za 40 000 jeŭra, što sabrali prostyja słavaki., kab pazbavicca ad 500 cyhanoŭ.
Dziakujučy ŭmiašańniu mižnarodnych arhanizacyj zredčas mury buracca. Tak, u 2008 hodzie ŭłady Prešava aharadzili bietonnym muram rajon dzie žyvie kala 2000 cyhanoŭ. Praź niekalki tydniaŭ ściana była razburanaja.
U 5,