Arhkamitet Biełaruskaj Chryścijanskaj Demakratyi sabraŭ užo zvyš za 4200 podpisaŭ pad zvarotam za vyzvaleńnie aryštavanaha ksiandza Uładzisłava Łazara.
Pa stanie na 12:50 27 žniŭnia 3054 podpisy sabranyja praź internet i bolš za 1150 podpisaŭ na padpisnych arkušach kala kaściołaŭ. Zborščyki BCHD adznačajuć, što bolšaść ksiandzoŭ nie zabaraniaje raspaŭsiud pietycyi i nie pieraškadžaje parafijanam padpisvacca.
BCHD płanuje pravodzić zbor podpisaŭ za ksiandza Łazara da jahonaha vyzvaleńnia i zaklikaje ŭsich katalickich viernikaŭ i nieabyjakavych ludziej dałučacca da kampanii «Svabodu ksiandzu Łazaru!».
Nahadajem Uładzisłaŭ Łazar byŭ zatrymany KDB 31 traŭnia — amal try miesiacy nazad. U čym jon abvinavačvajecca, nieviadoma dahetul.