Biełaruskija hramadzkija dziejačy kamentujuć padziei ŭ Rasiei.
 Viktar Zubkoŭ |
Siońnia ž prezydent Rasiei Ŭładzimier Pucin prapanavaŭ na pasadu premjer‑ministra kiraŭnika «Rośfinmonitorinha» (hetak zvanaj finansavaj vyviedki) Viktara Zubkova. Pierastanoŭki ŭ rasiejskim uradzie kamentujuć biełaruskija palityki j palitolahi.
Deputat Pałaty pradstaŭnikoŭ Siarhiej Kaścian ličyć, što źmiena kiraŭnika ŭradu Rasiei nie adabjecca na stasunkach Biełarusi j Rasiei.
«Tamu što hetyja dačynieńni, na maju dumku, i tak zamarožanyja. I tamu ni paharšeńnia, ni palapšeńnia suviaziaŭ sa źmienaj uradu nie adbudziecca».
Palitolah Uładzimier Mackievič ličyć, što jahony ŭzrost nia moža być pieraškodaj dla taho, kab zaniać vysokuju pasadu.
«Pierad tym, jak pryznačyć Pucina premjer‑ministram, kiraŭnikom uradu byŭ Prymakoŭ… Ja dumaju, što heta moža śviedčyć tolki pra adno: takija pierastanoŭki — scenarnyja, archietypičnyja, i jany śviedčać pra adno — idzie pošuk, pierabor i padrychtoŭka, kab pryznačyć nastupnaha čałavieka, jaki ŭžo moža być pierajemnikam», — kaža palitolah Uładzimier Mackievič.
Deputat Pałaty pradstaŭnikoŭ Anatol Krasucki hetak kamentuje pierastanoŭki ŭ rasiejskim uradzie:
«Heta ŭnutranaja sprava kožnaj krainy. Ja dumaju, što naŭrad ci adabjecca na dačynieńniach pamiž Rasiejaj i Biełaruśsiu. Heta prablemy najvyšejšaha ŭzroŭniu. Najpierš ekanamičnyja i palityčnyja prablemy».
A palitolah Alaksiej Karol źviazvaje pierastanoŭki va ŭradzie Rasiei nia tolki z budučymi parlamenckimi, ale i prezydenckimi vybarami ŭ hetaj krainie.
«Ja nia dumaju, što heta źviazana z mahčymaściu treciaha terminu Pucina. Heta naadvarot, najchutčej, źviazana z tym, što jon sychodzić, ale rychtuje sabie pierajemnika nia tolki ŭ adnoj asobie prezydenta (bo heta nia jość harantyjaj ułasnaha ŭpłyvu na palityku ŭ dalejšym), a i ŭsiaho fundamentu hetaj ułady. Majecca na ŭvazie i vykanaŭčaja, i zakanadaŭčaja. Hety šyrokamaštabny prajekt harantuje jamu dalejšy ŭpłyŭ u rasiejskaj palitycy, i viartańnie jaho na pieršyja roli ŭ toj ci inšaj formie».
Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi3
Kamientary