Siabroŭka maci Łukašenki: Chaj byŭ by pastuchom, našto jamu hety prastoł 28

Karespandent Tut.by Śniažana Inaniec naviedała Aleksandryju — radzimu Alaksandra Łukašenki, pahutaryła ź ziemlakami, u tym liku i Zinaidaj Rybakovaj — blizkaj siabroŭkaj maci kiraŭnika Biełarusi Kaciaryny Trafimaŭny.

Pra dziacinstva Alaksandra Łukašenki hetaja žančyna raskazvaje, što jon vielmi lubiŭ maci i dapamahaŭ joj, jak moh. Śćviardžaje, što i baćku budučaha prezidenta viedała asabista.

— Chto jaho tata? Taki samy biełarus. Pad Viciebskam, za Voršaj raždzionny.

Jon, jaje (Kaciaryny Trafimaŭny) mužyk — z-za Voršy. No jon užo pamior. Jana ź im razyšłasia, bo jana nie lubiła pjanki. Syna naradziła — nu što, raścić ty nie chočaš pamahać, dyk jana jaho adna i vyraściła. Jana rabotała ŭ Voršy na lnokambinacie, tam paznajomilisia…. Nu ničoha chłopiec byŭ (pa vyhladzie). Jon i pachož na jaho. I na mamu pachož, i na jaho.

Svaju blizkuju siabroŭku, Kaciarynu Trafimaŭnu Łukašenku, babula Zina nie bačyła ź minułaha hoda.

— Paściel jaje ciažkaja — jana balnaja.

Prošły hod jon pryvaziŭ jaje. Achrańniki za mnoj try razy pryjazdžali, kab da jaje advieści. A ja sama chvareła, na treci raz tolki pajechała. Nu pasiadzieli ź joj, papłakali za svajo. U domie ŭ jaje. Jana mnie kažyć: chto zavidujeć majoj žyźni, kab jamu takaja. Pravilna, jana pieražyvajeć pa synu. Mnohija jość i padryvy, mnohija jość prachalimcy.

Ja nie chaču ničoha, ja chaču ŭ dziareŭniu, kažyć Trafimaŭna. Žyvuć ža i pastuchi, niachaj by jon byŭ pastuchom ci storažam. Žyvuć i takija. Našto jamu hety prastoł?

Kab chto-niebudź čaho nie padduryŭ: ciapier mohuć i padbić, i padstrelić — čaho ŭhodna! A jon ža nikoha nie baicca i ničoha absalutna, — raspaviadaje babula pra pieražyvańni siabroŭki. I dadaje, što Kaciaryna Trafimaŭna adnojčy klikała jaje ŭ hości ŭ Minsk.

— Pryjazdžaj, kazała, da mianie — pabudź, skolki chočaš. A ja kažu: ty ž, Trafimaŭna, da mianie pryjazdžaj, budziem na piečy siadzieć, bulbu varyć dy jeści. Tak što vo.