Ministr zamiežnych spraŭ Rasijskaj Fiederacyi Siarhiej Łaŭroŭ nazvaŭ niepierakanaŭčymi dokazy vykarystańnia chimičnaj zbroi ŭ Siryi, jakija Maskvie pradastaviŭ Vašynhton.
«Nam pakazvali niejkija vykładki, jakija nie ŭtrymlivali ničoha kankretnaha: ni hieahrafičnych kaardynataŭ, ni imionaŭ, ni dokazaŭ taho, što proby byli ŭziatyja prafiesijanałami» , — zajaviŭ Łaŭroŭ. Kiraŭnik rasijskaha MZS dadaŭ, što bolš detalovyja paćvierdžańni amierykanski bok dać admoviŭsia, spasłaŭšysia na sakretnaść hetych dadzienych.
Taksama Łaŭroŭ raspavioŭ pra fakt cisku z boku Vialikabrytanii i Francyi na hienieralnaha sakratara AAN Pan Hi Muna.Pavodle Łaŭrova, u sakaviku 2013 hoda ŭłady Siryi paprasili AAN nakiravać ekśpiertaŭ u Alepa, dzie «adbyŭsia incydent, vielmi padobny na prymianieńnie chimzbroi». Pan Hi Mun spačatku pahadziŭsia na heta, adnak zatym źmianiŭ rašeńnie. «Na jaho akazali cisk — ja chavać tut ničoha nie budu, bo jany adkryta pra heta kazali. Vialikabrytanija i Francyja, jakija skazali, što prosta nakiravać inśpiektaraŭ dla rasśledavańnia hetaha kankretnaha incydentu nie atrymajecca», — zajaviŭ Łaŭroŭ.
0
0
0
0
0
0
