Prajekt «Apošni zołak» źjavicca ŭ kastryčniku
Viadomyja biełaruskija muzyki, siarod jakich Lavon Volski, Źmicier Vajciuškievič, Alaksandr Pamidoraŭ, Hanna Chitryk i inšyja, zapišuć supolny albom suprać śmiarotnaha pakarańnia. Składanka, jakaja atrymała nazvu «Apošni zołak», vyjdzie ŭ kastryčniku.
Usie pieśni na albomie buduć pryśviečany tamu ci inšamu sposabu vykanańnia śmiarotnaha prysudu.
Składanka praciahnie tradycyi muzyčnaj tałaki, jak toje było z prajektami «Ja naradziŭsia tut», «Śviaty viečar» i «Narodny albom».
Ahułam budzie zapisana 14 pieśniaŭ, pałova ź jakich stvorany admysłova dla prajekta.
Užo viadomyja pieśni buduć zapisanyja ŭ novych viersijach.
Poŭny skład udzielnikaŭ prajekta vyhladaje tak: Źmicier Vajciuškievič, Lavon Volski, Alaksandr Pamidoraŭ, Nasta Špakoŭskaja, Hanna Chitryk, Viktar Rudenka i Aleś Dzianisaŭ. Usie ŭdzielniki prajekta nieadnarazova vykazvalisia za admienu śmiarotnaha pakarańnia.
