U Minsku niedastatkova vykarystoŭvajecca intelektualny patencyjał. Takuju dumku vykazaŭ premjer-ministr Biełarusi Michaił Miaśnikovič 19 vieraśnia padčas dakłada Minharvykankama pa pytańniach impartazamiaščeńnia, paviedamiła pres-słužba ŭrada.
«Horad nie demanstruje «staličnaść», dzie skancentravany taki mahutny intelektualny patencyjał, jość dobryja vytvorčyja mahčymaści, svabodnyja płoščy dla taho, kab raźmiaščać inavacyjnyja impartazamiaščalnyja pradpryjemstvy», — miarkuje Miaśnikovič. Kiraŭnik urada daručyŭ Minharvykankamu aktyŭna pracavać dla stvareńnia novych navukajomistych vytvorčaściaŭ z vysokim dadadzienym koštam i nizkaj materyjałajomistaściu, a taksama sadziejničać takim pradpryjemstvam usich form ułasnaści.
«Impartazamiaščeńnie razhladajecca nie tolki jak ekanamičnaja katehoryja pa źnižeńni impartu tavaraŭ i pasłuh, — zaznačyŭ kiraŭnik urada. — Impartazamiaščeńnie — heta pavyšeńnie kankurentazdolnaści adpaviednych tavaraŭ. U vyniku my pavinny mieć bolš kankurentazdolnuju ekanomiku».
Premjer-ministr naviedaŭ ZAT «Sałar ŁS», AAT «Zavod «Pramburvod», TAA «Farmtechnałohija», dzie aznajomiŭsia z apošnimi inavacyjnymi raspracoŭkami ajčynnych vytvorcaŭ.
«Ja ŭpeŭniŭsia ŭ tym, što najbolš usprymalnymi da novych idej akazalisia siarednija pradpryjemstvy z kolkaściu pracoŭnych ad 50 da 150–200 čałaviek, — skazaŭ Miaśnikovič. — Pryčym heta nie tolki pradpryjemstvy, jakija raniej nazyvalisia čysta inavacyjnymi, znachodzilisia ŭ niejkim inkubacyjnym stanie, heta pradpryjemstvy, jakija ŭžo vyrablajuć i realizujuć, u tym liku i na źniešnich rynkach, vielmi šmat inavacyjnaj pradukcyi z vysokim dadadzienym koštam. Dastatkova skazać, što vypracoŭka na adnaho pracoŭnaha na bolšaści ź ich składaje 60–70 tys. dołaraŭ i navat 80 tys. dołaraŭ. Heta dobryja pakazčyki».
Premjer-ministr adznačyŭ nieabchodnaść «najchutčejšaha stvareńnia vysokakvalifikavanych pracoŭnych miescaŭ: jany patrebny dla vydzialeńnia śpiecyjalistam, jakija papaŭniajuć rynak pracy padčas madernizacyi mnohich pradpryjemstvaŭ», paviedamiła pres-słužba.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary