Hrodzienski žurnalist Andrej Pačobut narešcie dačakaŭsia pozvy ŭ sud. Jak napisaŭ jon u fejsbuku, «dzieja, na jakuju mianie zaprašajuć, nazvali aptymistyčna: ab vyzvaleńni ad pakarańnia. Budziem vyzvalacca — chto ž suprać?»
Pavodle Andreja Pačobuta, sprava budzie razhladacca ŭ paniadziełak 23 vieraśnia, a 15.30 ŭ sudzie Leninskaha rajonu Horadni.
Napiaredadni, 20 vieraśnia, skončyŭsia peryjad adterminoŭki pakarańnia dla Pačobuta — u lipieni 2011-ha jaho asudzili za «paklop na prezydenta».
Za publikacyi ŭ internecie žurnalista pakarali tryma hadami pazbaŭleńnia voli z adterminoŭkaj na dva hady.
Ad 6 krasavika taho ž hodu jon utrymlivaŭsia ŭ śledčym izalatary Haradzienskaj turmy, a vyzvalili jaho ŭ zali sudu 5 lipienia pad padpisku ab niavyjeździe.
Paśla skančeńnia adterminoŭki ŭ suda zastajecca niekalki alternatyvaŭ: vyzvalić Pačobuta, padoŭžyć adterminoŭku vykanańnia pakarańnia, nakiravać asudžanaha dla adbyvańnia pryznačanaha sudom pakarańnia.
Takim čynam, adzin z varyjantaŭ budzie ahučany 23 vieraśnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary