U chodzie pierastrełki ŭ adnym z samych fiešenebielnych handlovych centraŭ stalicy Kienii Najrobi Westgate zabityja pa mienšaj miery 20 čałaviek, paviedalaje Bi-Bi-Si.
Ab takoj kolkaści achviar paviedamlaje kienijskaje pradstaŭnictva Čyrvonaha Kryža. Pa apošnich dadzienych, bolš za piaćdziesiat čałaviek atrymali ranieńni.
U zakładnikach ŭ budynku zastajucca, pa roznych źviestkach, ad niekalkich čałaviek da niekalkich dziesiatkaŭ ludziej. Pa pieršapačatkovaj viersii, uzbrojenyja ludzi pranikli ŭ handlovy centr z metaj rabavańnia adnoj z kram, a kali ich płan pravaliŭsia — adkryli ahoń.
Ab hetym raniej paviedamlaŭ kiraŭnik staličnaha departamienta palicyi Biensan Kibu. Adnak paźniej ułady Kienii pačali schilacca da taho, što zachop handlovaha centra — heta spłanavany terakt.
Pakul ni adna z arhanizacyj nie ŭziała na siabie adkaznaść za toje, što zdaryłasia. Adnak raniej samalijskija bajeviki z hrupy «Al-Šabaab» pahražali raspačać napad na Westgate ŭ adkaz na toje, što ŭłady Kienii adpraŭlajuć u Samali svaje vojski.
Handlovy centr Westgate naviedvajuć bahatyja kienijcy i, što pracujuć u Najrobi. U vychadnyja dni tam zvyčajna asabliva ludna.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary