Kab čaho nia vyjšła, rečyckich pracaŭnikoŭ‑apazycyjaneraŭ, jakija pracujuć na pradpryjemstvach, adpraŭlajuć u kamandziroŭki.
 |
Jak viadoma, 21‑22 vieraśnia ŭ Rečycy adbudziecca tradycyjnaje respublikanskaje śviata «Dažynki». U suviazi ź im, «kab čaho nia vyjšła», miascovych pracaŭnikoŭ‑apazycyjaneraŭ, jakija pracujuć na pradpryjemstvach, nakiroŭvajuć u kamandziroŭki.
Jak paviedamiŭ PC «Viasna» rečycki pravaabaronca, kiraŭnik rehijanalnaj struktury Partyi BNF Valer Pucicki, siońnia jon atrymaŭ rasparadžeńnie kiraŭnictva Biełaruskaj čyhunki, dzie pracuje majstram pa kapitalnym ramoncie, pajechać z 19 pa 24 vieraśnia ŭ h. Žytkavičy Homielskaj vobłaści. «Adpraŭlajuć u Šušanskaje», — dadaŭ ź ironijaj apazicyjny aktyvist.
Učora ŭ kamadziroŭki taksama adpravili dvuch siabraŭ Partyi BNF — Hančarenku Alaksandra, jaki taksama pracuje na Biełaruskaj čyhuncy, na 10 dzion u Oršu i Kuźniacova Kastusia, lekara‑reanimatołaha radzilnaha domu, na dva tydni ŭ h.Pietrykaŭ Homielskaj vobłaści.
Taksama Valer Pucicki vałodaje infarmacyjaj ź nieaficyjnych krynic, što supracoŭnikaŭ pravaachoŭnych orhanaŭ abaviazali «ščylna nazirać i prymać adekvatnyja miery» ŭ dačynieńni da tych miascovych hramadzka‑palityčnych dziejačoŭ, jakija nie pracujuć u dziaržsistemie.
Kamientary