Supracoŭniki milicyi i KDB robiać pieratrus na kvatery aktyvista niezarehistravanaj arhanizacyi «Małady front» Kiryły Atamančyka ŭ Žłobinie.
 Kiryła Atamančyk |
Supracoŭniki specsłužbaŭ ladziać pieratrus na kvatery aktyvista niezarehistravanaj arhanizacyi «Małady front» Kiryły Atamančyka ŭ Žłobinie.
Kirył paviedamiŭ «Radyjo Svaboda», što supracoŭnik milicyi ŭ cyvilnym patłumačyŭ jamu — pieratrus robicca ŭ miežach kryminalnaj spravy, raspačataj KDB suprać aktyvistaŭ «Maładoha frontu» za ŭdzieł u niezarehistravanaj arhanizacyi.
Heta nia pieršy pieratrus na Homielščynie. U niadzielu milicyjanty zrabili pieratrus na kvatery jašče adnaho maładafrontaŭca — Arsienia Jahorčanki ŭ Śvietłahorsku. Pa jaho słovach, milicyjanty mieli pry sabie sankcyju prakurora na kanfiskacyju niezarehistravanych drukavanych materyjałaŭ.
«Mnie nie kazali ŭ časie pieratrusu, što suprać mianie raspačataja kryminalnaja sprava» — paviedamiŭ A. Jahorčanka.
Varta adznačyć, što ŭ vieraśni adbyłasia try sudovyja pracesy suprać maładafrontaŭcaŭ. 4 vieraśnia ŭ Niaśvižy miascovaja aktyvistka Nasta Azarka była aštrafavanaja na 40 bazavych vieličyniaŭ za ŭdzieł u niezarehistravanaj arhanizacyi. Pavodle taho ž artykułu ŭ toj ža dzień u Salihorsku Ivan Šyła atrymaŭ sudovuju pieraściarohu za ŭdzieł u niezarehistravanym «Maładym froncie». 11 vieraśnia sud u Baranavičach pakaraŭ štrafam u pamiery 30 b.v. Jarasłava Hryščeniu. Nahoda — usio toj ža artykuł 193 KK.
Kamientary