Futbolny matč pamiž šviejcarskim «Bazelem» i niamieckim «Šalkie» viečaram 1 kastryčnika na stadyjonie «Sent-Jakab Park» u Bazeli ŭ ramkach hrupavoha etapu Lihi čempijonaŭ, byŭ prypynieny na niekalki chvilin z-za akcyi ekałahičnaha ruchu Greenpeace.
Aktyvisty Greenpeace na 4-j chvilinie hulni spuścilisia z dachu stadyjona na trosie i raściahnuli šmatmietrovy banier z nadpisam «Nie zabrudžvajcie Arktyku» na anhlijskaj movie z łahatypam rasijskaj kampanii «Hazprom» — sponsara «Šalkie» — i chešteham # FreeTheArctic30.
Dva tydni tamu, 18 vieraśnia, aktyvisty Greenpeace pasprabavali padniacca na naftazdabyŭčuju płatformu «Hazproma» ŭ Arktycy, pratestujučy suprać zdabyčy nafty. Nieŭzabavie karabiel z ekołahami byŭ zatrymany rasijskimi pamiežnikami, a try dziasiatki aktyvistaŭ, u tym liku i fatohraf Dzianis Siniakoŭ, aryštavanyja.
