Biełaruś hatovaja da ŭkaranieńnia PayPal, ale jany nie chočuć pačynać dyjałoh, raskazaŭ namieśnik staršyni praŭleńnia Nacbanka Siarhiej Dubkoŭ u intervju haziecie «Viečiernij Briest».
«Prablema zaklučajecca ŭ tym, što my z našaha boku całkam hatovyja da supracoŭnictva i ŭkaranieńnia sistemy PayPal na biełaruskim rynku finansavych pasłuh. Ale jany — z roznych subjektyŭnych pryčynaŭ — nie chočuć raspačynać hety dyjałoh. Ja nie schilny dumać, što vinoj tamu niejkija palityčnyja momanty, bo my vielmi paśpiachova ŭzajemadziejničajem i z Visa, i z MasterCard, i z American Express, vychodzim na supracoŭnictva z Diners Club. Tolki PayPal zajmaje ŭ hetym pytańni nie zusim zrazumiełuju dla nas pazicyju», — raspavioŭ Siarhiej Dubkoŭ.
«Pry hetym u Rasiei z 17 vieraśnia PayPal zapracavaŭ u poŭnym abjomie. My raźličvajem pahutaryć na ekanamičnym forumie, jaki adkryvajecca chutka ŭ Rasiei, z kiraŭnikami rasiejskaj filii PayPal i, spadziajusia, zmožam pryjści da niejkaha pahadnieńnia, u vyniku jakoha ŭ nas udasca kanstruktyŭnaje partniorstva», — zajaviŭ jon.
