Śledčy kamitet pačaŭ kryminalnuju spravu ŭ dačynieńni da supracoŭnicy ZAT «BTA-bank», jakaja prysvoiła vielizarnuju sumu hrošaj, što naležać finansavaj ustanovie.
Jak paviedamili ŭ Śledčym kamitecie, raspačataja kryminalnaja sprava ŭ dačynieńni da 32-hadovaj supracoŭnicy «BTA-banka», jakaja na momant ździajśnieńnia złačynstva zajmała pasadu śpiecyjalista pa akazańni roźničnych bankaŭskich pasłuh. Joj inkryminujecca ździajśnieńnie złačynstva, praduhledžanaje č.4 211 Kryminalnaha kodeksa Biełarusi (prysvajeńnie abo rastrata, ździejśnienyja arhanizavanaj hrupaj albo ŭ asabliva bujnym pamiery). Sankcyja hetaha artykuła praduhledžvaje pakarańnie da 12 hadoŭ pazbaŭleńnia voli z kanfiskacyjaj majomaści.
Pavodle papiarednich dadzienych śledstva, supracoŭnica banka, vykarystoŭvajučy svajo słužbovaje stanovišča i dostup da hrošaj, prysvoiła 120 tysiač jeŭra, 126 tysiač dalaraŭ i 1,47 miljona rasijskich rubloŭ. Padazravanaja zatrymanaja, viadziecca śledstva.
Varta adznačyć, što apošnim časam supracoŭniki biełaruskich bankaŭ pačali zanadta ŭžo časta prysvojvać sabie hrošy, ź jakimi pracujuć.
Pry hetym śledčyja adznačajuć, što praktyčna zaŭsiody ŭ takich situacyjach častka viny visić i na samich bankach, jakija prosta nie mohuć naładzić naležny kantrol za abarotam najaŭnych hrošaj. Pryčym tut paśpieli vyznačycca schilnaściu da kradziažu supracoŭnikami takija banki, dzie vykarystoŭvajucca jeŭrapiejskija standarty kiravańnia piersanałam.
Pakazalny prykład – situacyja, jakaja adbyłasia ŭ AAT «Pryjorbank». Supracoŭnica CBP №202, raźmieščanaha ŭ Viciebskaj vobłaści, bolš za hod krała hrošy, i hetaha nichto nie zaŭvažaŭ. Pracujučy śpiecyjalistam pa absłuhoŭvańni fizičnych asob adździeła roźničnaha biznesu, žančyna zmahła vynieści bolš za 420 miljonaŭ rubloŭ, pierš čym jaje złavili.
Anałahičnym čynam vyznačylisia ŭ 2013 hodzie «Biełrasbank», «BiełŚvisBank», čyje supracoŭnicy taksama vynosili najaŭnyja hrošy. A voś supracoŭnik «Biełźniešekanombanka» pakłaŭ u kišeniu 270 miljonaŭ rubloŭ bolš prostym sposabam. Zajmajučy pasadu śpiecyjalista adździeła emisii bankaŭskich kartak i majučy dostup da kampjutarnaj sistemy absłuhoŭvańnia bankaŭskich kartak, jakaja źmiaščaje źviestki ab klijentach «Biełźniešekanombanka» i bankaŭ-partnioraŭ, jon adabraŭ rachunki z bujnymi sumami i zrabiŭ ź ich 37 pieraličeńniaŭ srodkaŭ na rachunki, zarehistravanyja ŭ inšym banku na padstaŭnych asob.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary