U Koŭnie pačaŭsia III Mižnarodny Kanhres daśledčykaŭ Biełarusi.
Rehistracyja na Kanhres
Siońnia pracu pačaŭ III Mižnarodny Kanhres daśledčykaŭ Biełarusi, jaki budzie prachodzić u litoŭskim Koŭnie (Kaŭnasie) z 11 pa 13 kastryčnika.
Sioleta ŭdzieł u Kanhresie pažadali ŭziać bolš za 400 navukoŭcaŭ z 25 krain śvietu. Pracavać daśledčyki buduć u 14 siekcyjach, jakija zakranajuć usie śfiery žyćcia: ad prablemaŭ palityki, ekanomiki i hramadzianskaj supolnaści da prablemaŭ hiendaru i psichaanalizu ŭ Biełarusi.
U ramkach Kanhresa taksama zapłanavana prezientacyja novych navukovych vydańniaŭ, jakija čaplajuć temu Biełarusi, a taksama ŭznaharodžańnie aŭtaraŭ najlepšych navukovych publikacyj.
Vitajuć udzielnikaŭ kanhresa Andrej Kazakievič — staršynia arhanizacyjnaha kamiteta Kanhresa; Andrus Kupčynskas -- mer Kaŭnasa; Evałdas Ihnatavičus -- pasoł Litvy ŭ Biełarusi i Juozas Aŭhucis, praf. prarektar pa navucy Univiersiteta Vitaŭta Vialikaha.
Prahrama tranślacyja plenarnaha pasiadžeńnia (tranślujecca anłajn):
10:20–10:50 Ehidyjus Aleksandravičus z dakładam «Biełarusy ŭ palitycy sučasnaj Litvy»
10:50–11:20 Marharyta Balmaceda z dakładam «Aŭtarytarnaja ŭstojlivaść, sacyjalny kantrakt i enierhietyčnaja palityka ŭ Biełarusi»
11:50–12:20 Styvien Uajt. «Biełarusy ŭ situacyi pamiž»
12:20–12:50 Devid Fryk. «Cierpiačy nievycierpnaje: suisnavańnie ŭ Vilni XVII stahodździa»
12:50–13:20 Mikałaj Ivanoŭ z dakładam «Sieviaryn Visłavuch: pačatak polskaha biełarusaznaŭstva»
