«Ich noravy»: «Saŭbielija» pryśviaciła hazietny razvarot situacyi z Volhaj Kłaskoŭskaj
Maci Volhi davodzić: jaje dačka stała palityčnaj zakładnicaj.
U subotnim numary «Sovietskoj Biełorusii» ceły razvarot byŭ pryśviečany situacyi z Volhaj Kłaskoŭskaj. Bolš miesca zaniała tolki pres-kanfierencyja Alaksandra Łukašenki.
Materyjał «Hrymasy šviedskaha pravasudździa» aformleny ŭ vyhladzie lista maci Volhi, Ludmiły Kłaskoŭskaj.
«Voś jana, juvienalnaja inkvizicyja ŭ dziejnaści, i ŭžo zrazumieła, ź jakimi nastupstvami. I mienavita hetyja pryncypy razam ź inšymi chočuć siońnia naviazać jeŭrapiejcy ŭ krainach SND, tym samym pieraŭtvarajučy rodnych baćkoŭ u inkubatar pa vytvorčaści dziaciej», - aburajecca jana.
«Ci moža čytač ujavić, što ŭ krainach SND, u našaj Biełarusi, jakuju tak uzmocniena praklinaje šviedskaja presa, palicyja apoŭnačy vyvozić maci ad niemaŭlatki, kidaje jaje ŭ zaharadnym lasočku, da taho ž z 11-hadovaj dziaŭčynkaj?
Da čaho heta ja? Ach da! Pra humannaść i vykanańnie pravoŭ čałavieka ŭ Skandynavii, jakuju mnohija ličać aporaj talerantnaści i pavahi da asoby. Navat kazki Puškina - «…i kidaje jaje na źjadzieńnie vałkam» - nie zdajucca fantazijaj kłasika. Darečy, vakoł Stakholma, u pryharadnych lasach, šmat vałkoŭ i napady na ludziej nie redkaść», praciahvaje jana.
Abvinačvajučy šviedskich žurnalistaŭ baluča hladzieć, jak cynična chłusiać, jakija ličać siabie zmaharami za ideały i «jeŭrapiejskija kaštoŭnaści», -
Ludmiła Kłaskoŭskaja prychodzić da vysnovy: «sprava Volhi - heta nie «bytavucha», jana stała palityčnym zakładnikam».
«Jana trapiła za kraty pa karupcyjnaj zmovie čynoŭnikaŭ i palicejskich, — padsumoŭvaje jana. —
Heta pomsta «ruskaj», jak tam nazyvajuć usich vychadcaŭ z krain SND, jakaja paŭstała suprać sistemy!».
* * *
Volha Kłaskoŭskaja atrymała 8 hadoŭ turmy
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary