Usie kiraŭniki dziaržaŭ paćvierdzili ŭdzieł u pasiadžeńni Savieta kiraŭnikoŭ dziaržaŭ SND, jakoje projdzie ŭ Minsku ŭ kancy kastryčnika.
Pra heta paviedamiŭ siońnia Alaksandr Łukašenka na naradzie pa pytańniach padrychtoŭki i praviadzieńnia samitu.
Płanujecca, što 24—25 kastryčnika ŭ Minsku projduć pasiadžeńni Vyšejšaha Jeŭrazijskaha ekanamičnaha savieta i pasiadžeńnie Savieta kiraŭnikoŭ dziaržaŭ Sadružnaści Niezaležnych Dziaržaŭ.
Miescam praviadzieńnia samitu stanie Pałac Niezaležnaści.
Pavodle słoŭ Łukašenki, hety vybar abumoŭleny mahčymaściu zabiaśpiečyć maksimalna zručnyja i kamfortnyja ŭmovy dla pracy haściam samitu. Ciapier na budaŭničaj placoŭcy Pałaca Niezaležnaści idzie zaviaršalny etap.
Alaksandr Łukašenka zapatrabavaŭ prainfarmavać, jakaja kankretnaja situacyja na hetym abjekcie. «Usio treba zrabić dla taho, kab našy hości pačuvalisia kamfortna», - skazaŭ jon.
Łukašenka źviarnuŭ asablivuju ŭvahu prysutnych na tym, što ŭsie arhanizacyjnyja pytańni praviadzieńnia pasiadžeńniaŭ Vyšejšaha Jeŭrazijskaha ekanamičnaha savieta i Savieta kiraŭnikoŭ dziaržaŭ SND patrabujuć samaha ŭvažlivaha kantrolu. Pavodle jaho słoŭ, važnaje pytańnie raśsialeńnia kiraŭnikoŭ i členaŭ delehacyj, pradstaŭnikoŭ ŚMI i ekipažaŭ samalotaŭ.
«Drobiaziaŭ tut być nie pavinna. Usio pavinna być na samym vysokim uzroŭni,
kab ludzi, pakidajučy našu stalicu, byli ŭ dobrym nastroi i pavieźli samyja dobryja pačućci ab našaj stalicy, pra naš narod. Treba pradumać usio», - padkreśliŭ Łukašenka.
Jon zapatrabavaŭ paviedamić, jak idzie praca pa ŭsich napramkach, u tym liku rekłamnaja dziejnaść, u ŚMI i Internecie.
Što tyčycca imidžavaha zabieśpiačeńnia, to Łukašenka źviarnuŭ uvahu, što hetaja śfiera adkaznaści Minskaha harvykankama.
«Ja nie patrabuju, i naadvarot, kateharyčna suprać taho, kab my biazdumna tracili hrošy, na kožny dom čaplali płakaty, ściahi i h.d. Usio pavinna być stylna, pryhoža, zručna i tam, dzie treba», - skazaŭ jon
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary