U bližejšyja sutki, 15 kastryčnika, na nadvorje krainy budzie akazvać upłyŭ vilhotnaja ciopłaja pavietranaja masa. Vobłačna, z prajaśnieńniami. Nočču pa paŭdniovym zachadzie, dniom miescami pa krainie nievialikija daždžy. Nočču i ranicaj u asobnych rajonach — tuman. Viecier niaŭstojlivy słaby.
Tempieratura pavietra minimalnaja nočču +5..+10°C, u paŭnočna-ŭschodnich rajonach +1..+4°C, na hlebie słabyja zamarazki da 0.. -2°C; maksimalnaja tempieratura pavietra dniom +9.. +15°C. Atmaśfierny cisk budzie padać.
16 kastryčnika nadvorje abumović atmaśfierny front, jaki źmiaščajecca z Zachodniaj Jeŭropy. Na bolšaj častcy terytoryi projduć karotkačasovyja daždžy. Nočču i ranicaj u asobnych rajonach zhuścicca tuman.
Tempieratura pavietra minimalnaja nočču +4.. +11°C, pa paŭnočnym zachadzie +1.. +3°C, miescami słabyja zamarazki da 0.. -4°C; maksimalnaja tempieratura pavietra dniom +7.. +14°C.
17 kastryčnika ŭpłyŭ frantalnaha padziełu zachavajecca tolki nočču ŭ paŭdniova-ŭschodnich rajonach krainy, astatniaja terytoryja trapić pad upłyŭ vobłaści pavyšanaha atmaśfiernaha cisku.
U bolšaści rajonaŭ istotnych apadkaŭ nie čakajecca, tolki nočču pa paŭdniovym uschodzie mahčymy karotkačasovyja daždžy. Nočču i ranicaj u asobnych rajonach tuman. Nočču na bolšaj častcy zamarazki 0.. -4°C, miescami tempieratura pavietra +1.. +5°C; maksimalnaja tempieratura pavietra dniom +6..+13°C.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary