22-hadovaja Śviatłana zastałasia ŭdavoj.
31-hadovaha Alaksandra šukali tydzień. 3 kastryčnika žonka źviarnułasia ŭ milicyju: muž ranicaj pajechaŭ pradavać «Micubisi Karyzma» ź Lelčycaŭ u Žytkavičy i nie viarnuŭsia. Spačatku zaviali kryminalnuju spravu pa fakcie źniknieńnia. Kali ž śledčyja pryjšli da vysnovy, što adbyłosia zabojstva, spravu pierakvalifikavali.
11 kastryčnika ŭ Lelčycach pa padazreńni ŭ zabojstvie zatrymali dvuch maładych ludziej, 1991 h.n. Abodva biespracoŭnyja. Adzin ź ich byŭ znajomy z Alaksandram.
Na zabojstva rašylisia, kali daviedalisia pra vialikuju sumu hrošaj u mužčyny – vioz dadomu 4800 dalaraŭ.
Papiarednie ŭstanoŭlena, što padazravanyja padvozili Alaksandra z Žytkavič u Lelčycy. A jak tolki vyjechali za horad, nakinulisia na jaho. Kali mužčynu źbili da śmierci, zabrali ŭ jaho hrošy.
A cieła praź niekalki kiłamietraŭ vykinuli ŭ kanavu pamiž polem i lesam, pierad hetym napchaŭšy pad adzieńnie cahlinaŭ.
Pradstaŭnik USK pa Homielskaj vobłaści Maryja Kryvanoh paviedamiła, što ciapier maładyja ludzi znachodziacca ŭ izalatary časovaha ŭtrymańnia ŭ Žytkavičach. Ich pakazańni praviarajucca. Pryznačany šerah ekśpiertyz.
Viadoma, što ŭ Alaksandra zastałasia maładaja žonka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary