Cana kvadratnaha mietra stajała na miescy miesiac, a ciapier pačała źnižacca.
Siaredniaja cana prapanovy kvadratnaha mietra ŭ Minsku składaje $1840.
Pavodle dadzienych partała Realt.by, za minuły tydzień jana źmienšyłasia na simvaličny $1. Heta adbyłosia ŭpieršyniu za 54 tydniaŭ.
Pry hetym kolkaść vystaŭlenych na prodaž kvater raście i apiaredžvaje popyt.
Realnaja cana ŭhodaŭ mienšaja pryblizna na $100.
U čakańni kryzisu minčuki hatovyja addavać svaje dvuchpakajoŭki ŭ spalnych rajonach pa $90 tysiač.
Paśla pačatku valutnaha kryzisu ŭ 2011 cana kvadratnaha mietra pavolna padała, i hety praces raściahnuŭsia na ceły hod. I tolki paśla pačałosia rezkaje padaražeńnie nieruchomaści.
Pieršyja prykmiety kryzisnych źjavaŭ na rynku nieruchomaści ŭžo bačnyja.
Na druhasnym rynku žylla znoŭ źjavilisia ŭ prodažy małasiamiejki, tańniejšyja za $50 tysiač.
Choć jašče miesiac tamu samaja tannaja kvatera ŭ stalicy kaštavała $55 tysiač.
