Prezidyum Rady BNR vykazaŭsia za praciah sankcyj suprać uładaŭ Biełarusi, uviedzienych ES.
Jak paviedamlajecca na staroncy Rady BNR u facebook, Prezidyum Rady BNR, «spasyłajučysia na Rašeńnie Rady Jeŭrapiejskaha Źviazu 2012/642/CFSP ad 15 kastryčnika 2012 ab praciahu dziejnaści abmiežavalnych zachadaŭ suprać intaresaŭ režymu A. Łukašenki, termin jakich vyciakaje 31 kastryčnika 2013 hoda», pryniaŭ admysłovuju zajavu, u jakoj vykazaŭsia za pradaŭžeńnie sankcyj.
Takuju pazicyju prezidyum Rady tłumačyć tym, što «panujučyja ŭłady Respubliki Biełaruś dalej trymajuć za kratami palityčnych viaźniaŭ, nie adbyłosia reabilitacyi pa palityčnych prysudach, nie praviedzienyja svabodnyja vybary, nie rasśledavany źniknieńni palityčnych praciŭnikaŭ A. Łukašenki, hramadstva zastajecca ŭ atmaśfiery strachu palityčnych represij».
U zajavie pryhadvajecca, što jašče 28 śniežnia 2010 hoda Rada BNR źviarnułasia da ŭradaŭ krainaŭ ES, ZŠA, Kanady, Ukrainy, Turcyi i Jehipta z zaklikam «zabaranić ujezd na terytoryju hetych krainaŭ supracoŭnikam KDB i inšych śpiecsłužbaŭ, sistemy ministerstva ŭnutranych spraŭ, sudoŭ i prakuratury Respubliki Biełaruś, a taksama členam ich siemjaŭ. Rada BNR razhladaje vyšejnazvanyja struktury jak represiŭny miechanizm, jaki skarystoŭvajecca suprać aktyvistaŭ demakratyčnaj apazicyi».
Prezidyum Rady BNR zaklikaje Radu ES «uznavić dziejańnie abmiežavalnych zachadaŭ, pieraličanych u rašeńni Rady Jeŭrapiejskaha Źviazu 2012/642/CFS, u poŭnym abjomie i biez uvahi na admysłovyja vyklučeńni, zroblenyja na praciahu hodu», i «pieršačarhovaha pašyreńnia śpisu asobaŭ pad dziejańniem abmiežavalnych zachadaŭ koštam taksama tych, čyj udzieł u represijach i inšaj dziejnaści na karyść zachavańnia nielehitymnaha kiravańnia A. Łukašenki byŭ zadakumientavany ŭ pieryjad paśla padziejaŭ, źviazanych z vybarami 19 śniežnia 2010 hoda».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary